Visa Free Entry : ભારતીયો આ દેશમાં પહોંચતા જ બની જાય છે અમીર, મળી રહી છે વિઝા ફ્રી એન્ટ્રી, જાણો
અનેક દેશ એવા છે જ્યાં ભારતીયોને વિઝા ફ્રી એન્ટ્રી છે. હવે 40 દેશોના નાગરિકો શ્રીલંકામાં વિઝા વગર મુલાકાત લઈ શકશે. મહત્વનું છે કે શ્રીલંકાના ફરવાલાયક સ્થળો ખૂબ જ આકર્ષક છે.
ભારત, ચીન, ઇન્ડોનેશિયા, રશિયા, થાઇલેન્ડ, મલેશિયા અને જાપાનમાં માર્ચ 2023 થી વિઝા ફ્રી સુવિધા હતી. હવે આ યાદીમાં યુએસ, યુકે, કેનેડા, પાકિસ્તાન, ઈરાન, નોર્વે, દક્ષિણ કોરિયા, સ્વીડન, ઓસ્ટ્રિયા, ફિનલેન્ડ, ડેનમાર્ક, યુએઈ, ઓસ્ટ્રેલિયા, જર્મની, નેધરલેન્ડ, બેલ્જિયમ, સ્પેન, પોલેન્ડ, કઝાકિસ્તાન, સાઉદી અરેબિયા, નેપાળ, ફ્રાન્સ, ઇટાલી, ઇઝરાયલ, કતાર, ઓમાન, બહેરીન, ન્યુઝીલેન્ડ, કુવૈતનો સમાવેશ થાય છે. તુર્કી સહિત કુલ 40 દેશો સામેલ છે.
શ્રીલંકા એવા દેશોમાંનો એક છે જ્યાં ભારતીય રૂપિયો વધુ શક્તિશાળી બને છે. અહીં 1 ભારતીય રૂપિયો = 3.46 શ્રીલંકન રૂપિયો, એટલે કે, તમે અહીં ખરીદી અને મુસાફરી પર ખૂબ ઓછા પૈસા ખર્ચી શકો છો. બંનેનો આનંદ માણી શકો છો. શ્રીલંકાની સુંદરતા, વિવિધ કુદરતી દ્રશ્યો અને સંસ્કૃતિ ભારતીયો માટે આકર્ષણનું કેન્દ્ર છે.
શ્રીલંકા પ્રવાસ માટે ઘણા મનોહર અને ઐતિહાસિક સ્થળો છે, જે પ્રવાસીઓને વિવિધ પ્રકારના અનુભવો આપે છે. સૌથી પહેલું નામ આવે છે સિગિરિયા રૉક ફોર્ટ્રેસનું, જેને લાયન રોક તરીકે ઓળખવામાં આવે છે. આ યુનેસ્કો વર્લ્ડ હેરિટેજ સાઇટ છે, જ્યાંથી ટોચ પરથી નયનરમ્ય દૃશ્યો જોવા મળે છે. ઇતિહાસના રસિયાઓ માટે અનુરાધાપુરા શહેર ખાસ છે, જ્યાં પવિત્ર બોધિ વૃક્ષ અને પ્રાચીન સ્તૂપો મુલાકાતીઓને આકર્ષે છે. દામ્બુલા ગુફા મંદિર બુદ્ધ મૂર્તિઓ અને ભીંતચિત્રોથી ભરેલું છે, જે શાંતિ અને આધ્યાત્મિક અનુભવ માટે પ્રસિદ્ધ છે. બીચ પ્રેમીઓ માટે મિરિસા શ્રેષ્ઠ સ્થળ છે, જ્યાં સર્ફિંગ અને સૂર્યસ્નાનનો આનંદ લઈ શકાય છે. જ્યારે આરામદાયક અને લક્ઝરી અનુભવો માટે બેન્ટોટા ઉત્તમ છે, જ્યાં રિવર સફારી અને બેકવોટર્સની નૈસર્ગિક સુંદરતા માણી શકાય છે. આ તમામ સ્થળો શ્રીલંકાના પ્રવાસને યાદગાર બનાવે છે.
