Vastu tips : ઘરની આ દિશામાં ભૂલથી પણ કપલ ફોટો ન રાખતા, દાંપત્ય જીવનમાં આવશે મુસીબત !
વાસ્તુ શાસ્ત્ર મુજબ ઘરમાં પતિ-પત્નીનો ફોટો દક્ષિણ-પશ્ચિમ દિશામાં લગાવવો શુભ માનવામાં આવે છે, કારણ કે આ દિશા સંબંધોમાં સ્થિરતા અને પ્રેમ વધારતી કહેવાય છે. જ્યારે ઉત્તર, પૂર્વ અને દક્ષિણ દિશામાં ફોટો મૂકવાનું ટાળવું જોઈએ, કારણ કે તે દાંપત્ય જીવનમાં અસંતુલન લાવી શકે છે.
ઘરમાં પતિ-પત્નીનો ફોટો માત્ર શોભા માટે નહીં, પરંતુ સંબંધોની સકારાત્મક ઉર્જા સાથે પણ જોડાયેલો માનવામાં આવે છે. વાસ્તુ મુજબ, યોગ્ય દિશામાં ફોટો મુકવાથી પ્રેમ, વિશ્વાસ અને સમજ વધે છે, જ્યારે ખોટી જગ્યાએ મુકવાથી દાંપત્ય જીવનમાં મતભેદ આવી શકે છે. તેથી, ફોટો લગાવતાં પહેલાં યોગ્ય દિશા અને સ્થાન પસંદ કરવું જરૂરી છે. ( Credits: AI Generated )
વાસ્તુ મુજબ ઘરની ઉત્તર, પૂર્વ અને ઉત્તર-પૂર્વ દિશામાં પતિ-પત્નીનો ફોટો મૂકવો યોગ્ય માનાતો નથી. માન્યતા પ્રમાણે, આ દિશામાં ફોટો રાખવાથી નાની વાતોમાં તણાવ અને મતભેદ વધી શકે છે, તેથી આ જગ્યાઓ ટાળવી વધુ સારી ગણાય છે. ( Credits: AI Generated )
ઘરમાં દક્ષિણ દિશામાં ફોટા લગાવવાનું ઘણા લોકો પસંદ કરે છે, પરંતુ વાસ્તુ મુજબ પતિ-પત્નીનો ફોટો અહીં રાખવો યોગ્ય માનાતો નથી. માન્યતા છે કે આ દિશા પૂર્વજો સાથે જોડાયેલી હોવાથી અહીં કપલ ફોટો મૂકવાથી દાંપત્ય જીવનમાં અડચણો આવી શકે છે, તેથી દક્ષિણ દિશા ટાળવી સારી ગણાય છે. ( Credits: AI Generated )
બેડરૂમમાં પતિ-પત્નીનો ફોટો મૂકતા સમયે તેને પલંગની સીધી સામે ન રાખવો જોઈએ. વાસ્તુ મુજબ, આવું કરવાથી સંબંધોમાં અસ્થિરતા આવી શકે છે. ઉપરાંત, ફોટો અરીસામાં દેખાય એવી રીતે મૂકવો પણ ટાળવો, કારણ કે તેને નકારાત્મક ઉર્જા વધારી શકે છે ( Credits: AI Generated ).
પતિ-પત્નીનો ફોટો મંદિર, ટોયલેટ અથવા બાથરૂમની નજીક કે સામે લગાવવો યોગ્ય માનાતો નથી. માન્યતા મુજબ, આવી જગ્યાએ ફોટો રાખવાથી ઘરમાં તણાવ અને મતભેદ વધી શકે છે, તેથી ફોટો મૂકતા પહેલાં યોગ્ય સ્થાન પસંદ કરવું જરૂરી છે. ( Credits: AI Generated )
વાસ્તુ મુજબ ઘરની દક્ષિણ-પશ્ચિમ દિશા, જેને દક્ષિણ-પશ્ચિમ ખૂણા તરીકે પણ ઓળખવામાં આવે છે, આ દિશા પતિ-પત્નીનો ફોટો રાખવા માટે સૌથી શુભ ગણાય છે. આ દિશા સ્થિરતા અને મજબૂતીનું પ્રતીક માનવામાં આવે છે, તેથી અહીં હસતો કપલ ફોટો મુકવાથી દાંપત્ય જીવનમાં પ્રેમ, સંતુલન અને વિશ્વાસ વધે છે. ( Credits: AI Generated )
ઘરમાં રાખતા ફોટા હંમેશા ખુશ અને સ્મિતભરી ક્ષણોના હોવા જોઈએ. ઉદાસ અથવા ગુસ્સાવાળા ફોટા ટાળવા, કારણ કે તે નકારાત્મકતા વધારી શકે છે. બંને સાથે ખુશ દેખાતો ફોટો સંબંધમાં પ્રેમ અને નજીકપણું જાળવવામાં મદદરૂપ બને છે. ( Credits: AI Generated )
વાસ્તુ મુજબ પતિ-પત્નીના ફોટા માટે લાકડાની ફ્રેમ વધુ શુભ માનવામાં આવે છે, કારણ કે તે સંબંધોમાં ઉષ્મા અને સ્થિરતા દર્શાવે છે. ધાતુની અથવા તૂટેલી-ખરાબ ફ્રેમ ટાળવી જોઈએ, કારણ કે આવી ફ્રેમ નકારાત્મકતા લાવી શકે છે. ( Credits: AI Generated )
જીવનસાથીનો ફોટો નકારાત્મક છબીઓ અને પૂર્વજોના ફોટા સાથે ન રાખવો અને તેને રસોડામાં મૂકવાનું પણ ટાળવું. યોગ્ય દિશા અને સ્થાનમાં ખુશ દેખાતો ફોટો મૂકવાથી ઘરમાં પ્રેમ, શાંતિ અને સંબંધોમાં મજબૂતી જળવાઈ રહે છે. ( નોંધ :ટીવી9 કોઈ પણ પ્રકારે અંધશ્રદ્ધાને પ્રોત્સાહન આપતુ નથી. આ અહેવાલ માત્ર ધાર્મિક માન્યતા અને લોકોમાં પ્રચલિત માન્યતા, રીત રિવાજને આધારે રજૂ કરવામાં આવેલ છે. ) ( Credits: AI Generated )
Published On - 7:10 pm, Mon, 23 February 26
