Urban Company IPO : હોમ સર્વિસ પ્રોવાઇડર કંપની લાવી રહી છે રૂપિયા 3000 કરોડનો IPO
હોમ સર્વિસ સ્ટાર્ટઅપ અર્બન કંપનીએ રૂપિયા 3,000 કરોડના IPO લાવવા માટે પરવાનગી માંગી છે. મીડિયા અહેવાલ મુજબ, કંપનીએ IPOનું સંચાલન કરવા માટે કોટક મહિન્દ્રા કેપિટલ, ગોલ્ડમેન અને મોર્ગન સ્ટેનલીની નિમણૂક કરી છે.
હોમ સર્વિસ પૂરી પાડતી અર્બન કંપની 3,000 કરોડ રૂપિયાનો IPO લાવી રહી છે. મીડિયા અહેવાલ મુજબ, આ કંપનીએ IPO લાવવાની પરવાનગી માંગી છે.
હોમ સર્વિસ પૂરી પાડતી અર્બન કંપની 3,000 કરોડ રૂપિયાનો IPO લાવી રહી છે. મીડિયા અહેવાલ મુજબ, આ કંપનીએ IPO લાવવાની પરવાનગી માંગી છે.
અર્બન કંપની હોમ સર્વિસ પ્રોવાઇડર આઇટી આધારિત પ્લેટફોર્મ ચલાવે છે. તે હોમ સર્વિસમાં હેર સ્પા, હેર કટ અને બ્યુટિશિયન જેવી સેવાઓ પૂરી પાડવા ઉપરાંત તે ઘરે એસી અને અન્ય ઘરગથ્થુ ઉપકરણોના સર્વિસ જેવી સેવાઓ પણ પૂરી પાડે છે.
કંપનીના દાવા મુજબ તે સાઉદી અરેબિયા અને સિંગાપોર સહિત ભારતના 30 શહેરોમાં સેવાઓ પૂરી પાડે છે. સર્વિસ પ્લેટફોર્મ પર ઉમેરાયેલા ગિગ વર્કર્સ માટે કંપનીને દર મહિને લગભગ 22 લાખ ઓર્ડર મળે છે. જેના દ્વારા કંપનીને લગભગ 1290 કરોડ રૂપિયાની આવક થાય છે.
અર્બન કંપની 57 હજાર પાર્ટનર્સ સાથે કામ કરવાનો દાવો કરે છે. નાણાકીય વર્ષ 2024માં આ લોકોએ અંદાજે 2.30 કરોડ સર્વિસ પૂરી પાડી હતી.
અર્બન કંપનીની વેબસાઇટ પર તેના રોકાણકારો વિશે માહિતી આપવામાં આવી છે. આ કંપનીના રોકાણકારોમાં સ્વર્ગસ્થ રતન ટાટા પણ હતા. આ ઉપરાંત ટાઇગર ગ્લોબલ, થિંક ઇન્વેસ્ટમેન્ટ, ACCEL પાર્ટનર, VY કેપિટલ, એલિવેશન પણ કંપનીમાં રોકાણકારો છે.
