Internet વગર પણ કરી શકશો UPI પેમેન્ટ, જાણો અહીં સંપૂર્ણ પ્રક્રિયા
આજના રિપોર્ટમાં અમે તમને UPI પેમેન્ટ સંબંધિત માહિતી આપીશું. તમે ઇન્ટરનેટ વગર પણ UPI પેમેન્ટ કરી શકો છો. જાણવા માટે સંપૂર્ણ સમાચાર વાંચો
હાલમાં, આપણામાંથી મોટાભાગના લોકો શોપિંગથી લઈને મોબાઈલ રિચાર્જ અને વીજળીના બિલ ભરવા સુધીની દરેક વસ્તુ માટે ઓનલાઈન પેમેન્ટ કરીએ છીએ. આ સેવાના આગમન સાથે, પૈસાની લેવડદેવડ એકદમ સરળ બની ગઈ છે. જો કે, સૌથી વધુ સમસ્યા ત્યારે થાય છે જ્યારે ઇન્ટરનેટ કામ નથી કરતું કે પછી ઈન્ટરનેટ પુરુ થઈ ગયુ હોય.
આવી સ્થિતિમાં ઓનલાઈન પેમેન્ટ કરવું ઘણું મુશ્કેલ બની જાય છે. આ સમસ્યાના હલ માટે અમે તમને એક ટ્રીક જણાવી રહ્યા છે. જો તમારા ફોન પર ઈન્ટરનેટ કામ કરતું નથી અથવા ડેટા ખતમ થઈ ગયો છે, તો ચિંતા કરવાની કોઈ જરૂર નથી. તમે ઇન્ટરનેટ વગર પણ પેમેન્ટ કરી શકો છો. અમે તમને નીચે સ્ટેપ બાય સ્ટેપ પેમેન્ટ કરવાની સંપૂર્ણ પદ્ધતિ જણાવીશું.
ઇન્ટરનેટ વગર UPI પેમેન્ટ કેવી રીતે કરવું ? : ઇન્ટરનેટ વિના ચુકવણી કરવા માટે, તમે અનસ્ટ્રક્ચર્ડ સપ્લીમેન્ટરી સર્વિસ ડેટા (USSD) કોડ દ્વારા UPI નો ઉપયોગ કરી શકો છો. USSD ની મદદથી, બેંકિંગ ખૂબ જ સુલભ અને સરળ છે. તમારી પાસે સ્માર્ટફોન હોય કે ફીચર ફોન, તમે હજુ પણ આ સુવિધાનો ઉપયોગ કરી શકો છો. તે NPCI દ્વારા નવેમ્બર 2012 માં માત્ર BSNL અને MTNL સાથે લોન્ચ કરવામાં આવ્યું હતું, પરંતુ હવે તે તમામ ટેલિકોમ નેટવર્ક્સ પર ઉપલબ્ધ છે. NPCI અનુસાર, *99# સેવા હિન્દી, અંગ્રેજી અને અન્ય 13 ભાષાઓમાં પણ ઉપલબ્ધ છે. આ સેવા 83 મોટી બેંકો પાસે ઉપલબ્ધ છે.
ઇન્ટરનેટ વિના UPI પેમેન્ટ કરવા માટે, તમારે પહેલા તમારું એકાઉન્ટ સેટ કરવું પડશે. તેના માટે સૌથી પહેલા તમારે તમારા ફોનમાં *99# ડાયલ કરવાનું રહેશે. આ પછી, ભાષા પસંદ કર્યા પછી, તમારે તમારી બેંક સંબંધિત માહિતી જેમ કે નામ અને IFSC કોડના પ્રથમ ચાર અક્ષરો આપવા પડશે. આ પછી તમને તમારી બેંકોની સૂચિ જોવા મળશે, આ સૂચિમાંથી પેમેન્ટ બેંક પસંદ કરો. આ પછી તમારા ડેબિટ કાર્ડના છેલ્લા 6 આકંડા અને એન્ડ ડેટ દાખલ કરો. આ પછી, તમારી UPI ચુકવણી પ્રક્રિયા ઇન્ટરનેટ કનેક્શન વિના પણ પૂર્ણ થઈ જશે.
ચુકવણી કરવા માટે, તમારા ફોનમાં *99# ડાયલ કરો અને પછી 1 દબાવો. હવે ઇચ્છિત વિકલ્પ પસંદ કરો અને UPI ID/બેંક એકાઉન્ટ નંબર/ફોન નંબર દાખલ કરો. હવે તમે જેટલી રકમ મોકલવા માંગો છો તે દાખલ કરો અને તમારો UPI પિન દાખલ કરો. આમ કરવાથી તમારું પેમેન્ટ સફળતાપૂર્વક થઈ જશે.