મજા પડી જશે, ગુજરાતમાં આ સ્થળે આવેલી છે લંડન, દુબઈ જેવી અમ્બ્રેલા સ્ટ્રીટ, જુઓ તસવીર
અમ્બ્રેલા સ્ટ્રીટ.. નામ સાંભળતા થોડી નવાઈ લાગશે. આપણા શહેરમાં આ કન્સેપ્ટ હજી નવો છે. પણ વિશ્વના ઘણા દેશોમાં અમ્બ્રેલા સ્ટ્રીટ એ ફરવાની લોકપ્રિય જગ્યાઓ છે.
શું તમે ક્યારેય કલરફૂલ છત્રી વાળી શેરીઓમાંથી પસાર થવાનું અવગણી શકો? તમે શેરીઓમાં ચાલતા જતા હોવ અને તમારી ઉપર બ્યુટીફુલ અને કલરફુલ છત્રીઓની હાર માળા હોય એ તમને એક મજાનો જ અહેસાસ કરાવે છે.
અમ્બ્રરેલા સ્ટ્રીટમાં વિવિધ કલરની સંખ્યાબંઘ છત્રીઓને શેરીઓના રસ્તા ઉપર લટકાવવામાં આવે છે. જેમાં મુખ્યત્વે લાલ, પીળો, વાદળી, લીલો, નારંગી અને સફેદ રંગની છત્રીઓનો ઉપયોગ કરવામાં આવે છે.
લંડન, દુબઈ, જાપાન, ગ્રીસ, ઈસ્તંબુલ, પોર્ટુગલ જેવા અનેક દેશોમાં અમ્બ્રેલા સ્ટ્રીટ આવેલી છે. લંડનના કેમડેન માર્કેટમાં અમ્બ્રેલા સ્ટ્રીટ આવેલી છે. જે ઉત્તર લંડનમાં આવેલ ફૂડ અને શોપિંગ માર્કેટ છે. લંડનના આ માર્કેટમાં ફરતી વખતે અહીંના રંગબેરંગી વાઇબ્સ એવી છે જે તમે ભૂલી ના શકો.
શહેરમાં આવેલ કાંકરિયા લેક ફ્રન્ટમાં સહેલાણીઓ માટે અનેક નવા આકર્ષણો ઊભા કરવામાં આવ્યા છે. કાંકરિયા પુષ્પકુંજ સર્કલથી ગેટ નંબર 1 સુધી આવી કલરફુલ છત્રીઓ લગાવવામાં આવી છે. આશરે 80 થી 85 મીટર ની જગ્યામાં 800 થી 850 જેટલી અલગ અલગ રંગની છત્રીઓ લટકાવીને અમ્બ્રેલા સ્ટ્રીટ ઊભી કરવામાં આવી છે.
અમદાવાદના તેમજ શહેર બહારથી આવતા સહેલાણીઓ માટે આ એક સેલ્ફી પોઇન્ટ બની રહેશે. વીડિયો મેકિંગ અને ફોટોગ્રાફી માટે પણ આ સ્ટ્રીટ નો ઉપયોગ શહેરીજનો કરી શકશે. આ ઉપરાંત અહીં તમને સુંદર મજાના વોલ પેઇન્ટિંગ્સ અને રાત્રે કલર ફૂલ લાઇટિંગ્સ પણ જેવા મળશે.
Published On - 9:04 pm, Thu, 13 June 24