“હળદરવાળું દૂધ” કે “હળદરવાળું પાણી”? શરીર માટે કયું વધારે ફાયદાકારક ? જાણશો તો તમે પણ આશ્ચર્યચકિત થઈ જશો
હળદર દરેક ભારતીયના ઘરમાં ઉપયોગમાં લેવાય છે. હળદર શરીર માટે ખૂબ જ ગુણકારી માનવામાં આવે છે. એવામાં હવે સવાલ એ છે કે, "હળદરવાળું દૂધ" પીવું શરીર માટે ફાયદાકારક છે કે પછી "હળદરવાળું પાણી"?
હળદર દરેક ભારતીયના ઘરમાં ઉપયોગમાં લેવાય છે. મોટાભાગના લોકો માને છે કે, દૂધ સાથે હળદર ભેળવીને પીવાથી શરીરને સૌથી વધુ ફાયદા થાય છે, આથી મોટાભાગના લોકો બીમારી કે શરદી જેવા રોગમાં "હળદરવાળું દૂધ" પીવે છે. હવે આયુર્વેદ અનુસાર, ગરમ પાણીમાં હળદર ભેળવીને પીવાથી શરીરને અઢળક ફાયદા થાય છે.
હળદરમાં 'કર્ક્યુમિન' નામનો પદાર્થ હોય છે, જે શરીર માટે ખૂબ જ ફાયદાકારક માનવામાં આવે છે. આ પદાર્થ બળતરા ઘટાડે છે, રોગપ્રતિકારક શક્તિ વધારે છે, પાચનને પ્રોત્સાહન આપે છે અને શરીરમાંથી ઝેરી તત્વો દૂર કરે છે. 'કર્ક્યુમિન' પાણીમાં ઝડપથી ભળી જાય છે અને શરીર તેને સરળતાથી શોષી લે છે, જ્યારે દૂધમાં ચરબી (Fat) હોવાથી તે ધીમું થાય છે.
આયુર્વેદમાં હળદરને ગરમ માનવામાં આવે છે. ગરમ પાણી સાથે હળદર ભેળવવાથી તે શરીરના દરેક ભાગમાં ઝડપથી પહોંચે છે. ખાલી પેટે હળદરનું પાણી પીવાથી શરીર ડિટોક્સિફાય થાય છે, પાચનમાં સુધારો થાય છે અને ચયાપચયમાં વધારો થાય છે.
હળદરવાળું દૂધ રાત્રે ફાયદાકારક માનવામાં આવે છે અને શરદી તેમજ ફ્લૂથી રાહત આપે છે. જો કે, હળદરનું પાણી રોજિંદા સ્વાસ્થ્ય અને રોગપ્રતિકારક શક્તિ માટે વધુ અસરકારક માનવામાં આવે છે.
હવે સરળ રસ્તો એ છે કે, સવારે ખાલી પેટે હુંફાળા પાણીમાં અડધી ચમચી હળદર ભેળવીને પીવો. જો ઈચ્છો તો, તમે થોડા કાળા મરી પણ ઉમેરી શકો છો. આ હળદરની અસરકારકતામાં વધારો કરે છે.
હળદરનું પાણી દિવસભર ઉર્જા આપે છે, વજન ઘટાડવામાં મદદ કરે છે અને પેટને હળવું રાખે છે. થોડા દિવસોમાં તો, તે ત્વચાની ચમક સુધારે છે, પેટની સમસ્યાઓ ઘટાડે છે અને થાક દૂર કરે છે.
Published On - 6:06 pm, Fri, 14 November 25
