Leftover Food Snacks Recipe : બચેલા ખોરાકમાંથી 5 સ્વાદિષ્ટ નાસ્તા બનાવો, બાળકો અને પુખ્ત વયના લોકોને ખાવાનું પસંદ કરશે
મોટાભાગના ભારતીય ઘરોમાં ખોરાક ક્યારેય બગાડવામાં આવતો નથી. તેના બદલે, ગઈકાલની દાળ, ભાત અથવા રોટલી મજેદાર રીતે સ્વાદિષ્ટ નાસ્તામાં પરિવર્તિત થાય છે. થોડી સર્જનાત્મકતા સાથે, ફ્રીજમાં રાખેલો સ્વાદહીન ખોરાક પણ સ્વાદિષ્ટ બની શકે છે.
બચેલા ખોરાકમાંથી ક્રિસ્પી પકોડા, ચિપ્સ અથવા તો સ્વાદિષ્ટ પરાઠા પણ બનાવી શકો છો. આ નાસ્તો ઘરે બનાવો ખૂબ જ સરળ છે. પરંતુ તે ખાવામાં પણ ખૂબ જ સ્વાદિષ્ટ હોય છે. આજે અમે તમને ઘરના બચેલા ખોરાકના મજેદાર બનાવવાની પાંચ સ્વાદિષ્ટ વાનગીઓ જણાવીશું.
બચેલી દાળને ચણાના લોટ, ડુંગળી, લીલા મરચાં અને મસાલા સાથે ભેળવીને બેટર બનાવો. હવે ગરમ તેલમાં નાના પકોડા તળો.બહારથી ક્રિસ્પી અને અંદરથી નરમ, આ પકોડા તમારા નાસ્તાના સમયને સ્વાદિષ્ટ બનાવશે.
બાફેલા બટાકા, ડુંગળી અને મસાલા સાથે બચેલા ભાતને મેશ કરો. ત્યારબાદ નાની ટિક્કી જેવા કટલેટ બનાવો. આ પછી તેને ધીમી આંચ પર ગોલ્ડન થાય ત્યાં સુધી તળી લો.
બચેલી રોટલીમાંથી ચિપ્સ બનાવવા માટે સૌથી પહેલા રોટલીને ત્રિકોણ આકારમાં કાપી તેને પર મીઠું, મરચું અને ચાટ મસાલો છાંટીને બેક કરો અથવા ટોસ્ટ કરો. ક્રિસ્પી ચિપ્સ તૈયાર છે.
જો તમારા ઘરે પણ પનીર અથવા બટાકા સહિતનું શાક બનાવ્યું હોય અને વધ્યું હોય તો તેના પરાઠા બનાવી શકો છો. હવે લોટમાં શાક મેશ કરી પરોઠાનો લોટ બાંધી લો. ત્યારબાદ તેના પરોઠા બનાવી શકો છો.
બ્રેડ વધ્યા હોય તો તેના ટુકડા કરી લો. ત્યારબાદ તેને ડુંગળી, લીલા મરચાં, કઢી પત્તા અને મસાલા સાથે ફ્રાય કરો. તેના ઉપર લીંબુનો રસ રેડો. આ બ્રેડ ઉપમા, મિનિટોમાં તૈયાર થઈ જાય છે.
Published On - 11:42 am, Fri, 12 September 25
