Travel Tips : ગુજરાતના આ સ્થળે મહિલાઓ 1 કિલો સોનું અને પારંપરિક પોશાક પહેરી ગરબે રમે છે
પોરબંદરમાં મેર સમાજના લોકો પરંપરાગત ચોયણી અને કેડિયું પહેરીને આ શૌર્ય રાસ રમે છે. મેર મહિલાઓ અને પુરુષો તથા બાળકો પારંપરિક પોશાક અને સોનાના ઘરેણાં પહેરીને મણિયારા રાસની રમઝટ બોલાવે છે અને મહિલાઓ પણ તેમનો જુસ્સો વધારવા ટ્રેડિશનલ પોશાક સાથે સોનાના દાગીના પહેરી રાસડા રમે છે.
મેર મહિલાઓ અને પુરુષો તથા બાળકો પારંપરિક પોશાક અને સોનાના ઘરેણાં પહેરીને મણિયારા રાસની રમઝટ બોલાવે છે અને મહિલાઓ પણ તેમનો જુસ્સો વધારવા ટ્રેડિશનલ પોશાક સાથે સોનાના દાગીના પહેરી રાસડા રમે છે.જયારે મહિલાઓ રમવા આવે છે ત્યારે ઢારવો ,કાપડું અને શરીર પર 1 થી 3 કિલો જેટલા સોનાના દાગીના પહેરીને જ રાસડા રમે છે ( photo : Maher Community Association Leicester)
પરંપરાગત ગરબા રમવા માટે મણિયારા રાસને પ્રાથમિકતા આપવામાં આવે છે, શહેરોમાં પણ લોકો આ પ્રકારના રાસ શીખવા તત્પર રહે છે, ટુંકમાં આપણે કહીએ તો 36 પ્રકારના રાસ ,લોકનૃત્યનો એક પ્રકાર ગરબો છે.ગામડામાં લોકો રાસડા કહે છે. ગરબાના બે પ્રકાર છે. પ્રાચીન ગરબો અને અર્વાચીન ગરબો
ગરબામાં એક તાલી, બે તાલી, ત્રણ તાલી અને તાલી સાથે મહિલાઓ ગરબે રમતી હોય છે. તો હવે લોકો દાંડિયા, ખંજળી હાથમાં લઈને પણ ગરબે રમતા જોવા મળે છે. આમ તાલ રાસ અને દાંડિયા રાસ નવરાત્રીમાં લોકો રમતા જોવા મળે છે.
