Travel Tips : જો તમે ગુજરાતમાં ચોમાસામાં બાઇક રાઈડિંગનું આયોજન કરી રહ્યા છો, તો આ બાબતો ધ્યાનમાં રાખો
બાઇક ટ્રિપ પર જવું એ એક રોમાંચક અનુભવ છે અને તેથી જ ઘણા યુવાનો તેનો અનુભવ કરવા માંગે છે. જો તમે પણ બાઇક દ્વારા લાંબા અંતરની મુસાફરી કરવાનું વિચારી રહ્યા છો, તો જાણો કઈ બાબતો ધ્યાનમાં રાખવી મહત્વપૂર્ણ છે.
ટ્રિપ પર જવા માટે સૌથી મહત્વની વસ્તુ બાઇક છે, જો તેમાં થોડી પણ સમસ્યા હોય તો ટ્રિપ બગડી શકે છે, તેથી જતા પહેલા, તમારી બાઇકની સર્વિસ કરાવો અને તે પછી, તેને ચલાવીને, બ્રેકથી લઈને ક્લચ સુધી બધું બરાબર કામ કરી રહ્યું છે કે નહીં તે તપાસો. આ ઉપરાંત બેગમાં એક નાનું પંચર ટૂલકીટ રાખો.
બાઇક દ્વારા મુસાફરી દરમિયાન તમારા ડોક્યુમેન્ટ સાથે રાખવા ખૂબ જ મહત્વપૂર્ણ છે. જેમ કે ડ્રાઇવિંગ લાઇસન્સ, વીમો, પીયુસી અને બાઇકની આરસી બુક. આ ઉપરાંત, તમારા આધાર કાર્ડ અને મતદાર ઓળખ કાર્ડ જેવા ડોક્યુમેન્ટ તમારી સાથે રાખો.
જો તમે બાઇક પર મુસાફરી કરવાનું વિચારી રહ્યા છો, તો સારી ગુણવત્તાવાળા હેલ્મેટ ખરીદવાની સાથે, ગ્લોવ્ઝ,એલવો અને ની ગાર્ડ ખરીદો. આ કોઈપણ પ્રકારની નાની ઘટનામાં તમારા કોણી, ઘૂંટણ અને હાથનું રક્ષણ પણ કરે છે. હવામાન અનુસાર કપડાં પણ પસંદ કરો, જેમ કે રેઈનકોટ, વોટરપ્રૂફ જેકેટ, શૂઝ, ફેસ માસ્ક વગેરે.
બાઈક દ્વારા ગમે ત્યાં મુસાફરી કરતી વખતે યોગ્ય આયોજન કરવાની જરૂર છે. બધી સલામતીની વસ્તુઓ તમારી સાથે રાખવા ઉપરાંત કેટલીક દવાઓ પણ તમારી સાથે રાખો. જેમ કે પેઇનકિલર્સ, ઉલટી, તાવ, ઝાડા, ORS વગેરે (all photo : canva)
