Travel tips : ફોટોગ્રાફરનો ખર્ચ કર્યા વગર આ સ્થળ પર પાર્ટનર સાથે પ્રી-વેડિંગ શૂટ કરો, આ છે બેસ્ટ લોકેશન
લગ્નોમાં, પરિવારના સભ્યો, મિત્રો અને સંબંધીઓ સાથે વર-કન્યાના અનેક ફોટો ક્લિક કરવામાં આવે છે. લગ્નના દરેક ફંકશનની યાદોને તાજી કરવા માટે કેમેરામેન કે ડ્રોન આખા લગ્નને પોતાના કેમેરામાં કેદ કરે છે. લગ્ન પછી આ ફોટો જોઈને તમને તમારો ખાસ દિવસ યાદ આવે છે, પરંતુ હવે એક નવો ટ્રેન્ડ આવ્યો છે, તે પ્રી-વેડિંગ ફોટોશૂટનો. તો ચાલો ગુજરાતમાં પ્રી વેડિંગ ફોટોશૂટ માટે બેસ્ટ સ્થળો જોઈએ.
જેમાં લગ્ન પહેલા વર-કન્યા પોતાના કપલના ફોટા ક્લિક કરાવે છે. રોમેન્ટિક વાતાવરણમાં તેઓ પ્રેમ વ્યક્ત કરતી વખતે અથવા એકબીજા સાથે મસ્તી કરતી વખતે તેમના મનપસંદ પોઝ આપે છે. આને પ્રી-વેડિંગ ફોટોશૂટમાં કહેવામાં આવે છે.
હવે સવાલ એ છે કે, કપલ પ્રી-વેડિંગ ફોટોશૂટ ક્યાં કરાવશો? એવી ઘણી સુંદર અને રોમેન્ટિક જગ્યાઓ છે જ્યાં કપલ્સ લગ્ન પહેલા પોતાના ફોટો ક્લિક કરાવી શકે છે. તો ચાલો ગુજરાતમાં પ્રી-વેડિંગ ફોટોશૂટ માટે શ્રેષ્ઠ સ્થળો વિશે જાણીએ.
જૂનાગઢમાં બહોળી સંખ્યામાં પ્રવાસીઓ પર્યટન સ્થળની મુલાકાત લેતા હોય છે. જો તમે પણ પ્રકૃતિ પ્રેમી છો. તો જૂનાગઢના ભવનાથ,ઉપર કોટ અને ગિરનારની ગોદમાં સુંદર ફોટોશૂટ કરી શકો છો.
રન ઓફ કચ્છ એ વિશ્વના સૌથી સુંદર સ્થળોમાંનું એક છે. તમને જણાવી દઈએ કે કચ્છના રણનો એક ભાગ પાકિસ્તાનમાં છે અને બીજો ભાગ ભારતમાં છે. અહીંના સૌથી લોકપ્રિય તહેવારોમાંનો એક રણ ઉત્સવ છે.હાલમાં અહિ રણ ઉત્સવ ચાલી રહ્યો છે. તો તમે અહિ એક ટુર પ્લાન પણ બનાવી શકો છો સાથે પ્રી વેડિંગ ફોટોશૂટ પણ કરી શકો છો.
ગુજરાતમાં પ્રી-વેડિંગ શૂટ માટેનું બીજું એક શ્રેષ્ઠ સ્થળ નળસરોવર તળાવ છે. નળ સરોવર યાયાવર પક્ષીઓનું પ્રિય પર્યટન સ્થળ છે. શિયાળાની ઋતુમાં અહીં દેશ-વિદેશથી પક્ષીઓ આવે છે જેમાં ફલેમિંગો તેના સુંદર રંગ અને દેખાવને કારણે આકર્ષણનું કેન્દ્ર બની રહે છે. અહિ તમે હોડી ભાડે લઈ ફરવાની સાથે હોડીમાં સુંદર પ્રી વેડિંગ ફોટોશૂટ પણ કરી શકો છો. પછી જે ફોટો આવશે તેની આગળ કેરળના ફોટો પણ ટૂંકા પડશે.
જે તમે બીચ પર પ્રી વેડિંગ ફોટોશૂટ કરવા માંગો છો તો ગુજરાત બીચ થી ઘેરાયેલું છે. તેમાં શિવરાજ પુરથી લઈ માધવ પુર બીચ પર તમે પ્રી વેડિંગ ફોટોશૂટ કરવાનો પ્લાન બનાવી શકો છો. બીચ પર સન સેટમાં ફોટોશૂટ ખુબ જ સુંદર આવશે.