Travel Tips : ગુજરાતના આ બીચ પર 3 દિવસ સુધી બીચ ફેસ્ટિવલની ધમાલ બોલશે
જો તમે પણ પત્નીને લઈ બીચ પર ફરવા જવાનો પ્લાન બનાવી રહ્યા છો. તમારા ટ્રાવેલ પ્લાનમાં કેરળ, ગોવાના બીચ સામેલ છે. તો આ કેરળ અને ગોવાને પણ ટુંકો પાડે તેવો અહેમદપુર બીચની મુલાકાત લઈ શકો છો.
જો તમે બીચ ફેસ્ટિવલમાં જવા માંગો છો. તો થોડા દિવસ બાદ એટલે કે, 24,25 અને 26 જાન્યુઆરીના રોજ રાજ્યના પ્રવાસન વિભાગ અને જિલ્લા વહીવટી તંત્ર દ્વારા અહેમદપુર માંડવી બીચ પર બીચ ફેસ્ટિવલનું આયોજન કરવામાં આવ્યું છે.
અહેમદપુર માંડવી બીચ પર 3 દિવસ સુધી બીચ ફેસ્ટિવલનું આયોજન કરવામાં આવ્યું છે. અહિ પ્રવાસીઓ લાઈટિંગ શો, અનેક એક્ટિવિટી અને ફુડની મજા માણી શકે છે.
બીચ ફેસ્ટિવલ બાદ ગીરનો અહેમદપુર માંડવી બીચ એક નવા પ્રવાસન સ્થળ તરીકે સામે આવશે. અહિ મોટી સંખ્યામાં પ્રવાસીઓ પણ મુલાકાત લેશે.ટુંક જ સમયમાં આ બીચ પણ દેશ વિદેશના પ્રવાસીઓ માટે એક આકર્ષણનું કેન્દ્ર બની જશે.
તમને જણાવી દઈએ કે, અહેમદપુર માંડવી બીચ સંઘપ્રદેશ દિવની ખુબ જ નજીક આવેલો છે.બીચ ફેસ્ટિવલને લઈ કલેક્ટર જાડેજા દ્વારા સ્થળનું નિરીક્ષણ પણ કરવામાં આવી ચૂક્યું છે.અહેમદપુર માંડવી બીચ કુદરતી સૌંદર્યનો અદભુત નજારો તમને જોવા મળશે.
અહમદપુર માંડવી બીચ ગુજરાત, ભારતમાં આવેલો દરિયાકિનારો છે. તે દીવ (કેન્દ્રશાસિત પ્રદેશ) નજીક ગીર સોમનાથ જિલ્લાના અહમદપુર માંડવીમાં આવેલ છે. અમદાવાદથી તે 370 કિમી દુર આવેલો છેઅને રાજ્યમાં પર્યટનના વિકાસ માટે સરકાર દ્વારા પસંદ કરાયેલા 14 દરિયાકિનારામાંનો એક દરિયાકિનારો છે.
સોમનાથ વેરાવળના નજીકનું રેલ્વે સ્ટેશન છે અને ત્યાં પહોંચવામાં 1 કલાક 57 મિનિટ લાગે છે.સોમનાથ જૂનાગઢથી 96 કિમી અને ચોરવાડથી 34 કિમી દૂર છે. સરકારી બસો અને ખાનગી લક્ઝરી બસ દ્વારા જઈ શકો છો.સૌથી નજીકનું એરપોર્ટ દીવ છે, દીવ એરપોર્ટ અહમદપુર બીચથી અંદાજે ( 12 કિમી) દૂર આવેલું છે અને ત્યાં પહોંચવામાં લગભગ 22 મિનિટ લાગે છે.