Auto News : સેફ્ટીમાં ધમાકેદાર પ્રદર્શન – આ કારને મળ્યો 5-સ્ટાર રેટિંગનો ખિતાબ
આ SUV એ Bharat NCAP ક્રેશ ટેસ્ટમાં શાનદાર પ્રદર્શન કરીને એડલ્ટ અને ચાઇલ્ડ સેફ્ટીમાં ઊંચો સ્કોર મેળવી 5-સ્ટાર રેટિંગ મેળવ્યું છે, જે તેને ફેમિલી માટે એક સુરક્ષિત અને વિશ્વસનીય વિકલ્પ બનાવે છે
ભારતમાં કાર ખરીદતા પહેલા લોકો હવે સેફ્ટીને સૌથી વધુ મહત્વ આપે છે. આવી સ્થિતિમાં દક્ષિણ કોરિયાની જાણીતી કાર નિર્માતા કંપનીની લોકપ્રિય SUV એ સેફ્ટીના મામલે મોટો માઇલસ્ટોન હાંસલ કર્યો છે. તાજેતરમાં Bharat NCAP ક્રેશ ટેસ્ટમાં આ કારને 5-સ્ટાર સેફ્ટી રેટિંગ મળ્યું છે, જે તેની મજબૂત બનાવટ અને એડવાન્સ ફીચર્સને દર્શાવે છે.
આ SUV એ એડલ્ટ ઓક્યુપેન્ટ પ્રોટેક્શન (AOP)માં 32માંથી 31.70 સ્કોર મેળવ્યો છે, જે અત્યાર સુધીના સૌથી ઊંચા સ્કોરમાંનો એક ગણાય છે. આ બતાવે છે કે અકસ્માત સમયે કારમાં બેઠેલા લોકોને વધુ સુરક્ષા મળી શકે છે. બાળકોની સુરક્ષાની દૃષ્ટિએ પણ આ કાર આગળ રહી છે. ચાઇલ્ડ ઓક્યુપેન્ટ પ્રોટેક્શન (COP)માં તેને 49માંથી 45 માર્ક્સ મળ્યા છે, જે ફેમિલી કાર તરીકે તેની વિશ્વસનીયતા વધારવા માટે પૂરતા છે.
ફ્રન્ટલ ઓફસેટ ડિફોર્મેબલ બેરિયર ટેસ્ટમાં કારએ 16માંથી 15.70 માર્ક્સ મેળવ્યા છે. જ્યારે સાઇડ મૂવેબલ બેરિયર ટેસ્ટમાં તો તેને સંપૂર્ણ 16માંથી 16 માર્ક્સ મળ્યા છે. આ પરિણામો દર્શાવે છે કે કારની બોડી સ્ટ્રક્ચર અને સેફ્ટી સિસ્ટમ્સ ખૂબ જ અસરકારક છે.
આ SUV એ બાળકોની સુરક્ષા માટે પણ શાનદાર પ્રદર્શન કર્યું છે. ડાયનેમિક ટેસ્ટમાં તેને 24માંથી 24 અને ચાઇલ્ડ રિસ્ટ્રેઇન્ટ સિસ્ટમ (CRS)માં 12માંથી 12 માર્ક્સ મળ્યા છે. ખાસ કરીને નાના બાળકો માટે આ કાર લગભગ પરફેક્ટ સુરક્ષા આપે છે, જેથી ફેમિલી માટે આ એક શ્રેષ્ઠ વિકલ્પ બની શકે છે.
હ્યુન્ડાઇ વેન્યુ રેન્જ આવશ્યક સલામતી સુવિધાઓથી સજ્જ છે, જેમાં છ એરબેગ્સ, ઇલેક્ટ્રોનિક સ્ટેબિલિટી કંટ્રોલ (ESC), હિલ સ્ટાર્ટ આસિસ્ટ, ઇલેક્ટ્રિક પાર્કિંગ બ્રેક, TPMS, ચાર-ડિસ્ક બ્રેક્સ, રોલઓવર સેન્સર અને બધી બેઠકો માટે ત્રણ-પોઇન્ટ સીટ બેલ્ટનો સમાવેશ થાય છે. વધુમાં, રિવર્સ પાર્કિંગ સેન્સર, અકસ્માત પછી ઓટો ડોર અનલોક અને ગતિના આધારે ઓટો ડોર લોક જેવી સુવિધાઓ પણ ઉપલબ્ધ છે.
આ SUV માં હ્યુન્ડાઇ સ્માર્ટસેન્સ લેવલ 2 ADAS ટેકનોલોજી પણ છે, જેમાં 21 અદ્યતન ડ્રાઇવર સહાય સુવિધાઓ શામેલ છે. સરાઉન્ડ વ્યૂ મોનિટર અને બ્લાઇન્ડ વ્યૂ મોનિટર જેવી સુવિધાઓ ડ્રાઇવિંગને વધુ સુરક્ષિત અને સરળ બનાવે છે. એકંદરે, હ્યુન્ડાઇ વેન્યુ અને હ્યુન્ડાઇ વેન્યુ N લાઇન સલામતીની વાત આવે ત્યારે પોતાને મજબૂત અને વિશ્વસનીય SUV સાબિત કરી છે.
સેફ્ટી અને એડવાન્સ ફીચર્સના કારણે આ SUV એ બજારમાં પોતાનું મજબૂત સ્થાન બનાવ્યું છે. 5-સ્ટાર રેટિંગ મેળવવાથી તે વધુ વિશ્વસનીય બની ગઈ છે. જો તમે તમારા પરિવાર માટે એક સુરક્ષિત અને ફીચરથી ભરપૂર કાર શોધી રહ્યા છો, તો આ SUV એક ઉત્તમ વિકલ્પ બની શકે છે. (All Images Credit- Social Media)
Published On - 6:16 pm, Mon, 30 March 26
