Knowledge : ટામેટાં અને કાકડી ફળ છે કે શાકભાજી ? જાણો શું કહે છે વિજ્ઞાન
ટામેટાં અને કાકડી આપણા રોજિંદા ડાયટનો મહત્વનો ભાગ છે. ટામેટાંનો ઉપયોગ શાકની ગ્રેવી, ચટણી, સલાડ અને અનેક વાનગીઓમાં કરવામાં આવે છે. જ્યારે કાકડી ખાસ કરીને સલાડ અને રાયતા માટે જાણીતી છે. આપણે સામાન્ય રીતે બંનેને શાકભાજી તરીકે જ માનીએ છીએ. પરંતુ શું ખરેખર તે શાકભાજી છે કે નહીં?
ટામેટાંમાં આશરે 95% પાણી હોય છે. સાથે જ તેમાં વિટામિન A અને C, લાઇકોપીન, પોટેશિયમ, ફોલેટ, ફાઇબર, મેગ્નેશિયમ, આયર્ન અને એન્ટીઑકિસડન્ટ હોય છે. સાઇટ્રિક એસિડના લીધે ટામેટાં ખાટા હોય છે. ટામેટાં ખાવાથી રોગપ્રતિકારક શક્તિ વધે છે. ચહેરા પર ચમક આવે છે અને પાચનમાં સુધારો થાય છે. (Image Source | iStock)
ટામેટાંનો ઉપયોગ ઘણીવાર શાકભાજી તરીકે થાય છે અને ઘણીવાર સલાડ તરીકે ખાવામાં આવે છે. વૈજ્ઞાનિક સંશોધન મુજબ, ટામેટાંને ફળ માનવામાં આવે છે, શાકભાજી નહીં. ટામેટાને ફળ એટલા માટે માનવામાં આવે છે કારણ કે તે છોડ પર આવેલા ફૂલમાંથી ઉગે છે. જ્યારે શાકભાજીમાં સામાન્ય રીતે પાંદડા, મૂળ અને ડાળીઓનો સમાવેશ થાય છે. ઓક્સફોર્ડ અને કેમ્બ્રિજ જેવી અનેક ડિક્શનરીઓમાં પણ ટામેટાને ફળ તરીકે ઓળખવામાં આવે છે. (Image Source | iStock)
કાકડીમાં આશરે 96% પાણી હોય છે. વધુમાં તેમાં ફાઇબર, વિટામિન K અને C, પોટેશિયમ અને ખનિજો હોય છે. કાકડીને સ્વાસ્થ્ય માટે ફાયદાકારક માનવામાં આવે છે. કાકડી ખાવાથી પાચન સુધરે છે. વજન ઘટાડવામાં કાકડી મદદરૂપ છે. (Image Source | iStock)
વિજ્ઞાન કહે છે કે કાકડી પણ એક ફળ છે કારણ કે તે છોડ પરના ફૂલોમાંથી ઉગે છે. તેના કોઈ મૂળ કે ડાળીઓ નથી. ભલે આપણે કાકડીને સલાડ કે રાયતા તરીકે ખાઈએ છે પરંતુ વૈજ્ઞાનિક રીતે તે પણ એક ફળ છે. (Image Source | iStock)
ટામેટાં અને કાકડીને લઈને વૈજ્ઞાનિક રીતે અલગ માન્યતા છે. વનસ્પતિશાસ્ત્ર અનુસાર કોઈ વસ્તુ ફળ છે કે શાકભાજી તે તેના સ્વાદ અથવા રસોઈમાં ઉપયોગથી નક્કી થતું નથી. પરંતુ તે છોડના કયા ભાગમાંથી બને છે તેના આધારે નક્કી થાય છે. (Image Source | iStock)
નોંધ : અહીં, પૂરી પાડવામાં આવેલી વિગતો માત્ર રિપોર્ટ્સ મુજબ આધારિત છે. TV9 ગુજરાતી કોઈપણ પ્રકારની માહિતીને સમર્થન આપતું નથી. (Image Source | iStock)
