Business Idea : મહિને 80,000 થી 1.2 લાખ રૂપિયાની કમાણી ! ‘Spa’ નો ધંધો તો છે ‘અદભૂત’, એકવાર શરૂ કરજો ગ્રાહકો ક્યારેય નિરાશ નહીં થાય
આજના ઝડપી અને તણાવપૂર્ણ જીવનમાં સ્પા આરામ માટેનું આશ્રયસ્થાન બની ગયું છે. આથી, ભારતમાં વેલનેસ ઇન્ડસ્ટ્રીનો ક્રેઝ ઝડપથી વધી રહ્યો છે. એવામાં ચાલો જાણીએ કે, 'Spa' નો ધંધો કેવી રીતે શરૂ કરવો...
સ્પા ખોલવા માટે યોગ્ય જગ્યા નક્કી કરવી મહત્વપૂર્ણ છે. 'Spa' નો બિઝનેસ કોમર્શિયલ વિસ્તાર, જીમ, યોગ સેન્ટર અથવા બ્યુટી સલૂન નજીક શરૂ કરી શકાય. હવે રોકાણ વિશે વાત કરીએ તો, જો તમે નાનાપાયે આ બિઝનેસ શરૂ કરવા માંગતા હોવ, તો તેનો ખર્ચ લગભગ ₹1.2 લાખ થી ₹3.5 લાખ થઈ શકે છે.
બીજીબાજુ એક મધ્યમ સ્પાની કિંમત 4 થી 10 લાખ રૂપિયા અને પ્રીમિયમ સ્પાની કિંમત 15 લાખ થી 45 લાખ રૂપિયાની વચ્ચે હોઈ શકે છે. આમાં ભાડું, આંતરિક વસ્તુઓ, પલંગ, ટુવાલ, મસાજ તેલ, સ્ટાફનો પગાર અને પરફ્યુમથી લઈને લાઇટિંગ સુધીની દરેક વસ્તુનો સમાવેશ થાય છે.
નાના શહેરોમાં મસાજનો સરેરાશ ખર્ચ 500 થી 1000 રૂપિયા છે, જ્યારે મોટા શહેરોમાં સમાન સેવાનો ખર્ચ 1200 થી 2800 રૂપિયાની વચ્ચે હોઈ શકે છે. જો તમારા સ્પામાં દિવસમાં ફક્ત 8 ગ્રાહક આવે, તો તમે દરરોજ પર ગ્રાહક આશરે 2,000 રૂપિયા કમાઈ શકો છો. આ રકમ દર મહિને આશરે 4 લાખ રૂપિયા સુધી પહોંચી શકે છે.
બિઝનેસના તમામ ખર્ચ પછી પણ તમે દર મહિને 80,000 થી 1.2 લાખ રૂપિયાની વચ્ચે કમાઈ કરી શકો છો. મોટા સ્પામાં નફો 2 થી 6 લાખ રૂપિયા અથવા તો તેથી વધુ સુધી પહોંચી શકે છે. સ્પા ચલાવવા માટે તમારે ટ્રેડ લાયસન્સ, GST રજીસ્ટ્રેશન અને જો જરૂરી હોય તો, ફાયર સેફ્ટી NOC મેળવવાની જરૂર છે. સ્ટાફનું પોલીસ વેરિફિકેશન પણ ફરજિયાત છે. ધ્યાન રાખો કે, તમારા થેરાપિસ્ટ વ્યાવસાયિક, તાલીમ પામેલા અને નમ્ર હોવા જોઈએ.
સ્પાની માર્કેટિંગ કરવા માટે ઇન્સ્ટાગ્રામ અને ફેસબુક પેજમાં વીડિયો પ્રમોશન અથવા તો એડવર્ટિઝમેન્ટ કરતાં રહો, નજીકના જીમ અને સલુન્સ સાથે કોલેબોરેશન અને પહેલી વાર આવતા ગ્રાહકોને આકર્ષક ઑફર્સ આપવાનું શરૂ કરી દો. 'સ્પા' એ માત્ર એક સેવા નથી પણ એક સરસ અનુભવ છે.
આમ જોવા જઈએ તો, જ્યારે સ્પામાં થાકેલા ગ્રાહક આવે છે, ત્યારે મસાજ કે માલિશ બાદ તેમના ચહેરા પર સ્મિત જોવા મળે છે અને તેઓ રાહત અનુભવે છે. સ્પા વ્યવસાય એવા લોકો માટે આદર્શ છે, જેઓ શાંતિપૂર્ણ વાતાવરણ અને સ્વાસ્થ્યને સુધારવા સંબંધિત કામને પસંદ કરે છે. આ માત્ર આવકનો સ્ત્રોત નથી પરંતુ આંતરિક તણાવને ઓગાળવાની કળા છે.
