મારુતિની આ કાર બની જશે ઈતિહાસ, 1 મહિના પછી થઈ જશે બંધ !
Maruti Suzuki : મારુતિની આ સેડાન કાર હવે કાયમી ઈતિહાસ બનવા જઈ રહી છે, તાજેતરના અહેવાલમાં જાણવા મળ્યું છે કે આ કાર, આગામી એપ્રિલ 2025થી બંધ થઈ જશે. શું ગ્રાહકોએ SUV વાહનોને પસંદ કરવાનું શરૂ કર્યું છે કે બીજું કોઈ કારણ છે? આવો જાણીએ શું કારણ છે કે આ સેડાનનું વેચાણ અટકાવી દેવામાં આવ્યું છે.
નાણાકીય વર્ષ 25 ના પ્રથમ 9 મહિનામાં આ કારના કુલ 5861 યુનિટ્સનું વેચાણ થયું હતું, પરંતુ જો વાર્ષિક ધોરણે જોવામાં આવે તો આ કારના વેચાણમાં 34 ટકાનો ઘટાડો જોવા મળ્યો હતો.
આ કારને છેલ્લે 2018માં અપગ્રેડ કરવામાં આવી હતી, ત્યારબાદ આ કારને આજ સુધી કોઈ અપડેટ મળ્યું નથી. બીજી તરફ, આ કાર સાથે સ્પર્ધા કરતા વાહનોમાં ગ્રાહકોને સનરૂફ, એડીએએસ, ટર્બો પેટ્રોલ એન્જિન, ડિજિટલ ઈન્સ્ટ્રુમેન્ટ ક્લસ્ટર જેવી સુવિધાઓ મળે છે. ભારતીય બજારમાં આ સેડાનની કિંમત 9 લાખ 41 હજાર 500 રૂપિયા (એક્સ-શોરૂમ) થી શરૂ થાય છે.
મારુતિ સુઝુકીએ 2020માં Ciazના ડીઝલ વેરિઅન્ટનું વેચાણ બંધ કરી દીધું હતું. જ્યારે આ કારના ડીઝલ વેરિઅન્ટ્સ બંધ કરવામાં આવ્યા હતા, ત્યારે Ciazના કુલ વેચાણમાં ડીઝલ વેરિઅન્ટ્સનો હિસ્સો 30 ટકા હતો. આ કારનું ડીઝલ વેરિઅન્ટ BS6 એમિશન નોર્મ્સ સાથે સુસંગત નહોતું, જેના કારણે ડીઝલ વેરિઅન્ટને બંધ કરવું પડ્યું હતું.
