દેખાવમાં સુંદર પણ અંદરથી છે ખતરનાક! જાણો એવા 5 છોડ વિશે જે તમારા ઘરની દિવાલોમાં પાડી દેશે ભયાનક તિરાડો
બાગકામનો શોખ ધરાવતા લોકો માટે એક ચોંકાવનારો ખુલાસો થયો છે. લીલોતરી વધારવા માટે તમે જે વૃક્ષો વાવી રહ્યા છો, તેમાંથી કેટલાક વૃક્ષો તમારા ઘરની મજબૂત દિવાલો અને પાઇપલાઇનના દુશ્મન બની શકે છે.
ઘરની આસપાસ લીલાછમ છોડ અને વૃક્ષો વાવવા કોને ન ગમે? આનાથી ઘરની શોભા તો વધે જ છે, સાથે જ મનને પણ અદભુત શાંતિ મળે છે. પરંતુ શું તમે જાણો છો કે બાગકામ કરવાના પણ કેટલાક ચોક્કસ નિયમો છે? જો તમે અજાણતામાં કોઈ ખોટું વૃક્ષ ઘરની નજીક વાવી દીધું, તો તે મોટું થઈને તમારા સપનાના ઘરની દિવાલો, મજબૂત પાયો (નીવ) અને જમીનની નીચે રહેલી પાઇપલાઇનને ભારે નુકસાન પહોંચાડી શકે છે. આ વૃક્ષોને ઘર પાસે સ્થાન આપવું એટલે મુસીબતને આમંત્રણ આપવા બરાબર છે.
વાંસ (Bamboo) - વાંસનો છોડ જમીનની નીચે ખૂબ જ ઝડપથી ફેલાય છે. તેની જડો એટલી શક્તિશાળી હોય છે કે તે કંક્રીટની સપાટી, આંગણું કે ઘરના પાયાની નીચે સુધી પહોંચી જાય છે. ખાસ કરીને 'રનિંગ બેમ્બૂ'ની પ્રજાતિઓ જમીનની નીચે એટલી ઝડપથી આગળ વધે છે કે તે બાજુના પ્લોટમાં ઘૂસી જાય છે, પાઇપલાઇન તોડી નાખે છે અને ફ્લોરિંગમાં મોટી તિરાડો પાડી દે છે. એકવાર આ છોડ જમીનમાં પકડ જમાવી લે, પછી તેને હટાવવો અશક્ય બની જાય છે.
યુકેલિપ્ટસ (Nilgiri) - આ વૃક્ષ પોતાની ઊંડી જડોના કારણે જમીનની અંદર રહેલું તમામ પાણી ખૂબ જ ઝડપથી સોષી લે છે. જો તેને ઘરની નજીક કે બોરવેલની આસપાસ વાવવામાં આવે, તો તે ધીમે-ધીમે ભૂગર્ભ જળનું સ્તર ઘટાડી નાખે છે. એટલું જ નહીં, આ વૃક્ષ માટીમાં એવા કુદરતી કેમિકલ છોડે છે જેનાથી આસપાસના બીજા પાક કે ફળના ઝાડ સુકાવા લાગે છે અને જમીનની ફળદ્રુપતા ખતમ થઈ જાય છે.
વડ (Banyan Tree) - વડનું વૃક્ષ ચોક્કસપણે ઠંડો છાંયડો આપે છે, પરંતુ જો તેને ઘર કે કમ્પાઉન્ડની દિવાલ પાસે વાવવામાં આવે તો તે વિનાશ નોતરી શકે છે. વડના મૂળિયાં સમય જતાં ખૂબ જાડા અને મજબૂત થતા જાય છે. તે ઘરના પાયામાં ઘૂસીને ટાઇલ્સ અને આખું ફ્લોરિંગ ઉખાડી નાખે છે, જેના કારણે આખી દિવાલ તૂટી પડવાનો ખતરો રહે છે.
પીપળો (Peepal) - પીપળાના વૃક્ષના બીજ દિવાલો, ધાબા કે ડ્રેનેજ પાઇપની નાની તિરાડોમાં પણ ઉગી નીકળે છે. પીપળાના મૂળ બિલ્ડિંગના બાંધકામની નાની ગલીઓમાં ઘૂસીને તેને ધીમે-ધીમે મોટી કરે છે. વર્ષો પછી આના કારણે આખા ઘરના પાયા અને ચારદીવાલમાં ભયાનક તિરાડો પડી જાય છે. તેથી પીપળાના વૃક્ષને ઘરના બાંધકામથી ઓછામાં ઓછું 20 થી 25 મીટર દૂર રાખવું જ હિતાવહ છે.
રબર પ્લાન્ટ (Rubber Plant) - આ છોડના મૂળ પણ ખૂબ જાડા અને અતિશય મજબૂત હોય છે. તે જમીનમાં એટલી જગ્યા રોકી લે છે કે આસપાસના બીજા કોઈ પણ છોડને તે જીવવા નથી દેતો. જો આ ઘરની એકદમ નજીક મોટો થઈ જાય, તો પાછળથી તેને મૂળમાંથી કાઢવો મોટો માથાનો દુખાવો બની જાય છે.
