Business Idea : નાનો ધંધો, મોટી આવક ! માત્ર ₹30,000ના ખર્ચે શરૂ કરો આ બિઝનેસ અને કમાઓ અંદાજિત ₹50,000
સાબુ અને ડિટર્જન્ટ બનાવવાનો બિઝનેસ ખૂબ જ ઓછા ખર્ચે શરૂ કરી શકાય છે. તાલીમ લઈને અને યોગ્ય સાધનો સાથે તમે ઘરે બેઠાં આ બિઝનેસ શરૂ કરી શકો છો. તો ચાલો જાણીએ કે, આ બિઝનેસની શરૂઆત તમે રીતે કરી શકો છો.
આ વ્યવસાયમાં નફો ઘણો સારો મળે છે. આ બિઝનેસમાં નફાનો દર 30% થી 60% સુધીનો હોય છે. રોજે રોજની આવકની વાત કરીએ તો તમે આશરે ₹500 થી ₹1500 સુધીની કમાણી કરી શકો છો. મહિને જોવા જઈએ તો, તમે ₹15,000 થી ₹50,000 જેટલું કમાઈ શકો છો.
હવે વાત કરીએ માર્કેટિંગની તો તમે લોકલ દુકાનો, સ્કૂલની આસપાસની જનરલ સ્ટોર્સ અને કિરાણાની દુકાનોનો સંપર્ક કરો. આ સાથે સોશિયલ મીડિયા પ્લેટફોર્મ જેમ કે Instagram, Facebook, WhatsApp પર બ્રાન્ડ પેજ બનાવીને તમારા પ્રોડક્ટનું પ્રમોશન કરો.
વધુમાં તમે Amazon અને Flipkart જેવી ઈ-કોમર્સ સાઇટ પર પ્રોડક્ટ રજિસ્ટર કરી શકો છો અને તેને ઓનલાઇન વેચી શકો છો. જો તમે “Eco-Friendly” અથવા “Chemical-Free” જેવી ટર્મ્સ પેકેજિંગમાં વાપરો છો, તો તેનાથી ગ્રાહકો વધારે આકર્ષાય છે.
ડોક્યુમેન્ટેશનની જરૂરિયાત શરૂઆતમાં તો નહી પડે પણ જો વેપાર વધારે વિસ્તૃત બનાવવો હોય તો MSME/Udyam રજિસ્ટ્રેશન, GST નંબર, સ્થાનિક મ્યુનિસિપલ લાઈસન્સ લેવું જરૂરી બને છે.
સાબૂ અને ડિટર્જન્ટ બનાવવાનું શીખવા માટે તમે YouTube પર સ્ટેપ-બાય-સ્ટેપ વીડિયો જોઈ શકો છો. આ સાથે Udemy, Skillshare જેવી સાઇટ્સ પરથી કોર્સ પણ કરી શકો છો. બીજું કે ઘણી બધી પ્રાઇવેટ સંસ્થાઓ, MSME દ્વારા માન્યતાપ્રાપ્ત ટ્રેનિંગ સેન્ટર્સ અને અમુક સરકાર માન્ય એનજીઓ આ વ્યવસાયને લગતા કાર્યક્રમો ચલાવે છે.
આમ જોવા જઈએ તો, હોમમેડ સોપ અથવા ડિટર્જન્ટ મેકિંગ એ એક હળવો, ક્રિએટિવ અને નફાકારક બિઝનેસ છે. આ બિઝનેસ ખાસ કરીને મહિલાઓ માટે, હોમમેકર્સ માટે કે બિઝનેસમાં નવી શરુઆત કરનારા યુવાનો માટે એક ઉત્તમ તક છે.
Published On - 7:52 pm, Fri, 13 June 25
