Swiggy એ SEBIમાં IPO પેપર્સ કર્યા ફાઇલ, રૂપિયા 3750 કરોડના નવા શેર જાહેર કરવામાં આવશે
Swiggy files IPO papers : જો Swiggy IPO લોન્ચ કરે છે, તો તે ફૂડ ડિલિવરી સેગમેન્ટમાં લિસ્ટ થનારી બીજી કંપની હશે. પ્રથમ લિસ્ટેડ કંપની Zomato છે. કંપનીએ આજે 26 સપ્ટેમ્બરે માર્કેટ રેગ્યુલેટર સેબી પાસે ફંડ એકત્ર કરવા માટે ડ્રાફ્ટ પેપર ફાઇલ કર્યા હતા.
Swiggy IPO : ફૂડ અને ગ્રોસરી ડિલિવરી કંપની સ્વિગીએ આખરે IPO માટે અરજી કરી છે. કંપનીએ આજે 26 સપ્ટેમ્બરે માર્કેટ રેગ્યુલેટર સેબી પાસે ફંડ એકત્ર કરવા માટે ડ્રાફ્ટ પેપર ફાઇલ કર્યા હતા. જો કંપની IPO લોન્ચ કરે છે, તો તે ફૂડ ડિલિવરી સેગમેન્ટમાં લિસ્ટ થનારી બીજી કંપની હશે. પ્રથમ લિસ્ટેડ કંપની Zomato છે. આ IPO હેઠળ રૂપિયા 3750 કરોડના ફ્રેશ ઇક્વિટી શેર જાહેર કરવામાં આવશે. વધુમાં 18.52 કરોડ ઇક્વિટી શેર હાલના શેરધારકો દ્વારા ઓફર ફોર સેલ (OFS) દ્વારા વેચવામાં આવશે.
આ IPO હેઠળ એક્સેલ, કોટ્યુ, આલ્ફા વેવ, એલિવેશન, નોર્વેસ્ટ અને ટેન્સેન્ટ જેવા રોકાણકારો શેર વેચશે અને કંપનીમાં તેમની માલિકી ઘટાડશે. સ્વિગીમાં Prosus (32 ટકા), સોફ્ટબેંક (8 ટકા), એક્સેલ (6 ટકા) મુખ્ય રોકાણકારો છે. આ ઉપરાંત એલિવેશન કેપિટલ, ડીએસટી ગ્લોબલ, નોર્વેસ્ટ, ટેન્સેન્ટ, કતાર ઈન્વેસ્ટમેન્ટ ઓથોરિટી (ક્યુઆઈએ), સિંગાપોરની જીઆઈસી કંપનીના અન્ય શેરધારકો છે.
ભારતનું ફૂડ ડિલિવરી માર્કેટ 2030 સુધીમાં વધીને રૂપિયા 2 લાખ કરોડ થવાની ધારણા છે. સ્વિગી અને ઝોમેટોનું 90 ટકાથી વધુ ફુડ ઈન્ડસ્ટ્રીઝ પર નિયંત્રણ છે. તમને જણાવી દઈએ કે Zomatoના શેર 2021માં લિસ્ટ થયા હતા. જ્યારે કંપનીએ છેલ્લે જાન્યુઆરી 2022માં ભંડોળ એકત્ર કર્યું હતું, ત્યારે તેનું મૂલ્ય $10.7 બિલિયન હતું.
જો કે સૂત્રોના જણાવ્યા અનુસાર, છેલ્લા કેટલાક મહિનામાં બેન્કરોએ વિશ્વાસ વ્યક્ત કર્યો છે કે સ્વિગીને આશરે $10-13 બિલિયનના માર્કેટ કેપિટલાઇઝેશન/વેલ્યુએશન સાથે લિસ્ટ કરવામાં આવી શકે છે.
સ્વિગીના IPO માટેની તૈયારીઓ નવેમ્બર 2023ની આસપાસ શરૂ થઈ હતી અને તેની આતુરતાથી રાહ જોવાઈ રહી છે. કોટક મહિન્દ્રા કેપિટલ કંપની, સિટીગ્રુપ ગ્લોબલ માર્કેટ્સ ઈન્ડિયા, જેફરીઝ ઈન્ડિયા, એવેન્ડસ કેપિટલ, જેપી મોર્ગન ઈન્ડિયા, બોફા સિક્યોરિટીઝ ઈન્ડિયા અને આઈસીઆઈસીઆઈ સિક્યોરિટીઝને ઈશ્યૂના બુક રનિંગ લીડ મેનેજર તરીકે નિયુક્ત કરવામાં આવ્યા છે.