Stock Market: સેન્સેક્સ 3000 પોઈન્ટ ગગડ્યો, શું હવે નિફ્ટી ‘24,000’ ની સપાટી તોડીને વધુ નીચે જશે?
મધ્ય-પૂર્વમાં વધતા યુદ્ધના તણાવની સીધી અસર હવે ભારતીય શેરબજાર પર જોવા મળી રહી છે. છેલ્લા કેટલાક દિવસોથી બજારમાં સતત વેચવાલીનો માહોલ છે, જેના કારણે રોકાણકારોના અબજો રૂપિયા ધોવાઈ ગયા છે.
શેરબજારમાં ઈરાન-ઈઝરાયેલ અને અમેરિકા વચ્ચે ચાલી રહેલા સંઘર્ષને કારણે છેલ્લા સપ્તાહમાં સતત વેચવાલી જોવા મળી છે. છેલ્લા ચાર ટ્રેડિંગ સેશનમાં સેન્સેક્સ 3000 પોઈન્ટથી વધુ ગગડ્યો છે, જ્યારે નિફ્ટીમાં પણ ગયા શુક્રવાર, 27 ફેબ્રુઆરીથી આ શુક્રવાર, 6 માર્ચ સુધીમાં લગભગ 1000 પોઈન્ટનો ઘટાડો થયો છે.
મધ્ય પૂર્વમાં સ્થિતિ ગંભીર છે અને બજારમાં આગળ પણ ઘટાડાની શક્યતા છે. ક્રૂડ ઓઈલના વધતા ભાવ બજારને વધુ નીચે લઈ જઈ શકે છે. 4 માર્ચના રોજ નિફ્ટીએ 24,300 સુધીના નીચલા સ્તર જોયા હતા. નિફ્ટીએ શુક્રવારે 315 પોઈન્ટના ઘટાડા સાથે 24,450 ના સ્તર પર ક્લોઝિંગ આપ્યું છે.
નિફ્ટીમાં 4 માર્ચના સેશનમાં 24,300 નું નીચલું સ્તર ટેસ્ટ થયું હતું અને સોમવારના બજારમાં ગેપડાઉન ઓપનિંગથી ફરી એકવાર આ લેવલ જોવા મળી શકે છે. ક્રૂડ ઓઈલની વધતી કિંમતોના દબાણમાં ગિફ્ટ નિફ્ટી (Gift Nifty) 24,300 સુધી આવી ગયો છે. જો સોમવારે આ લેવલની આસપાસ ઓપનિંગ થશે, તો નિફ્ટી 24,000 ના નીચલા સ્તર સુધી પણ જઈ શકે છે. માર્કેટ અત્યારે સેન્ટિમેન્ટ્સ પર ચાલી રહ્યું છે.
એવામાં જો ઘટાડો ચાલુ રહેશે તો બાયર્સ પોતાની પોઝિશન સ્ક્વેર ઓફ (વેચવા) લાગશે, જેનાથી માર્કેટમાં પેનિક સેલિંગનો માહોલ બની શકે છે. આ જ રીતે નિફ્ટીમાં આપણને 24,000 ના નીચલા સ્તરો જોવા મળી શકે છે.
નિફ્ટીમાં 05 માર્ચ, ગુરુવારના ટ્રેડિંગ સેશનમાં ગેપઅપ ઓપનિંગ જોવા મળ્યું હતું અને પ્રથમ પુલબેક (Pullback) તરીકે નિફ્ટી 285 પોઈન્ટના ઉછાળા સાથે બંધ રહ્યો હતો. જો કે, તેના પછીના દિવસે આ 'રિલીફ રેલી' (Relief Rally) સમાપ્ત થઈ અને નિફ્ટીમાં ફરીથી વેચવાલી આવી. નિફ્ટી હવે ફરી એકવાર 24,300 ના લેવલની નીચે જઈ શકે છે. તાજેતરના નીચલા સ્તર (Recent Low) થી નીચે જવાથી નિફ્ટીમાં નવા સેલર્સ પણ હાવી થઈ શકે છે અને નિફ્ટી 24,000 નું લેવલ જોઈ શકે છે.
નિફ્ટી માટે હવે સપોર્ટ લેવલ (Support Level) તરીકે 24,000 નું જ લેવલ દેખાઈ રહ્યું છે, અહીં આવ્યા પછી ફરી એકવાર મધ્ય પૂર્વની તણાવપૂર્ણ સ્થિતિનું આકલન કર્યા બાદ બજાર પોતાની આગામી ચાલ (Move) નક્કી કરશે.
