Stock Market: શેરબજારમાં ભારે ઉથલપાથલ! આગામી 5 દિવસ રોકાણકારો માટે અત્યંત ખાસ, આ કારણોથી માર્કેટ ટ્રિગર થશે
સોમવાર, 8 ડિસેમ્બરથી શરૂ થતાં અઠવાડિયામાં શેરબજારમાં રોકાણ કરતાં પહેલા જાણવું જરૂરી છે કે, આવનારા 5 દિવસમાં કેટલાંક મુખ્ય કારણોથી બજાર પર અસર પડી શકે છે.
શુક્રવારે ભારતીય શેરબજારમાં સકારાત્મક ટ્રેડિંગ થયું. BSE સેન્સેક્સ 447 પોઈન્ટ વધીને 85,712.37 પર બંધ થયો, જ્યારે NSE નિફ્ટી 153 પોઈન્ટ વધીને 26,186.45 પર બંધ થયો. BSE મિડકેપ ઈન્ડેક્સ 0.21 ટકા વધ્યો, જ્યારે સ્મોલકેપ ઈન્ડેક્સ 0.67 ટકા ઘટ્યો.
CPI Data: 5 ડિસેમ્બરે, જ્યારે RBI એ રેપો રેટમાં 24 બેસિસ પોઈન્ટનો ઘટાડો કર્યો અને બોન્ડ ખરીદી તેમજ ડોલર-રૂપિયાના સ્વેપ દ્વારા ₹1.45 લાખ કરોડની લિક્વિડિટી ઇન્જેક્ટ કરવાની જાહેરાત બાદ બજારમાં તેજી જોવા મળી. આગામી 5 દિવસમાં ઘણા ખાસ ટ્રિગર્સ બજારને પ્રભાવિત કરશે. સૌથી મહત્વપૂર્ણ CPI ડેટા છે, જે 12 ડિસેમ્બરે જાહેર થશે. ઓક્ટોબરમાં, CPI 0.25% ના રેકોર્ડ નીચા સ્તરે હતો. બજાર લોન ગ્રોથ, ડિપોઝિટ ગ્રોથ અને ફોરેક્સ રિઝર્વ પર પણ નજીકથી નજર રાખશે.
India-Russia deal: રશિયાના રાષ્ટ્રપતિ વ્લાદિમીર પુતિનની ભારત મુલાકાત દરમિયાન ભારત અને રશિયા વચ્ચે 16 કરારો પર હસ્તાક્ષર થયા હતા. આમાં સંરક્ષણ, વેપાર, આરોગ્ય, શિક્ષણ, મીડિયા અને આર્થિક ક્ષેત્રોનો સમાવેશ થાય છે. રશિયાએ ભારતને સતત ઇંધણ સપ્લાયની ખાતરી આપી હતી. પુતિને વડાપ્રધાન મોદીને જણાવ્યું હતું કે, રશિયા ભારતના ઝડપથી વિકસતા અર્થતંત્રને ઇંધણ પુરવઠો પૂરું પાડવાનું ચાલુ રાખવાની તૈયારી વ્યક્ત કરી છે.
US Federal Meeting: આગામી મુખ્ય ઘટના યુએસ ફેડરલ રિઝર્વની બેઠક છે, જે 9 અને 10 ડિસેમ્બરે યોજાશે. ઓક્ટોબરમાં 0.25% રેટ ઘટાડા બાદ, બજારમાં હવે વધુ એક રેટ ઘટાડાની શક્યતા છે. ફેડવોચ ટૂલ મુજબ, ડિસેમ્બરમાં વધુ 25 બેસિસ પોઈન્ટ રેટ ઘટાડાની 86.2% શક્યતા છે.
આ દરમિયાન, ટ્રમ્પ વહીવટીતંત્રનું એક પ્રતિનિધિમંડળ આવતા અઠવાડિયે ભારતની મુલાકાત લેશે. બંને દેશો વચ્ચે વેપાર કરાર (યુએસ-ભારત વેપાર વાટાઘાટો) માટે વાટાઘાટો આગળ વધશે. શરૂઆતમાં, રશિયન તેલ ખરીદી પર લાદવામાં આવેલા ટેરિફને પણ વાટાઘાટોમાં જોડવામાં આવશે, તેવી શક્યતા છે.
FII Data: ડિસેમ્બરના પહેલા ચાર દિવસમાં વિદેશી રોકાણકારોએ 1 અબજ ડોલરથી વધુનું વેચાણ કર્યું હતું. નવેમ્બરમાં પણ 1.3 અબજ ડોલરનો આઉટફ્લો જોવા મળ્યો હતો. વિદેશી રોકાણકારો દ્વારા વેચાણનો ટ્રેન્ડ બજાર પર દબાણ લાવી શકે છે.
