Stock Split: 10 ટુકડાઓમાં વહેંચવામાં આવશે આ સ્ટોક, 3 મહિનામાં આપ્યું છે 200% થી વધુ વળતર, જાણો રેકોર્ડ ડેટ
Stock Split:છેલ્લા એક વર્ષથી શેરબજારમાં રોકાણકારોને સારું વળતર આપવામાં સફળ રહેલી કંપની શુક્ર ફાર્માસ્યુટિકલ્સ લિ.ના શેર્સનું વિભાજન થવા જઈ રહ્યું છે. કંપનીના શેરને 10 ભાગમાં વહેંચવામાં આવશે.
ગુરુવાર, 13 માર્ચે, BSEમાં 2 ટકાની ઉપલી સર્કિટને અથડાવ્યા બાદ કંપનીના શેર રૂ. 245.80ના સ્તરે પહોંચી ગયા હતા. છેલ્લા 3 મહિનામાં કંપનીના શેરના ભાવમાં 238 ટકાથી વધુનો વધારો જોવા મળ્યો છે. તે જ સમયે, આ સ્ટોકની કિંમત એક વર્ષમાં 226 ટકા વધી છે. તમને જણાવી દઈએ કે, કંપનીનું 52 સપ્તાહનું હાઈ લેવલ 271.50 રૂપિયા અને 52 સપ્તાહનું લો લેવલ 57.52 રૂપિયા છે. કંપનીનું માર્કેટ કેપ 1076 કરોડ રૂપિયા છે.
છેલ્લા બે વર્ષમાં કંપનીના શેરના ભાવમાં 1900 ટકાથી વધુનો વધારો થયો છે.આ સ્ટોક 3 વર્ષમાં 7000 ટકાથી વધુ વળતર આપવામાં સફળ રહ્યો છે.
નોંધ: અહીં આપેલી માહિતી માત્ર જાણકારીના હેતુથી આપવામાં આવી છે, અત્રે એ ઉલ્લેખ કરવો જરૂરી છે કે બજારમાં રોકાણ બજારના જોખમોને આધીન છે. આથી રોકાણકાર કરતા પહેલા હંમેશા નિષ્ણાતની સલાહ લો.Tv9 ગુજરાતી ક્યારેય કોઈને રોકાણ સંબંધીત સલાહ આપતું નથી.
