આવી ગયો NSDL નો IPO… માત્ર ₹14,400 ના રોકાણથી થશે શાનદાર કમાણી, જાણી લો પ્રાઇઝ બેન્ડ અને GMP
NSDLનો IPO સંપૂર્ણપણે 5,01,45,001 ઇક્વિટી શેરના ઓફર ફોર સેલ (OFS) પર આધારિત છે. આમાં, IDBI બેંક 2,22,20,000 શેર અને નેશનલ સ્ટોક એક્સચેન્જ ઓફ ઇન્ડિયા 1,80,00,001 શેર વેચી રહી છે. આ ઇશ્યૂ હેઠળ દરેક શેરની ફેસ વેલ્યુ 2 રૂપિયા છે.
આ IPO ની પ્રાઇસ બેન્ડ હજુ સુધી જાહેર કરવામાં આવી નથી. NSDL નો ગ્રે માર્કેટ પ્રીમિયમ (GMP) પ્રતિ શેર 165-170 રૂપિયા દર્શાવે છે. કંપનીએ પ્રાઇસ બેન્ડ પણ જાહેર કર્યો છે. NSDL તેના શેર 760 રૂપિયાથી 800 રૂપિયા પ્રતિ શેરની રેન્જમાં વેચશે. રોકાણકારો ઓછામાં ઓછા 18 ઇક્વિટી શેર માટે 14,400 રૂપિયાનું રોકાણ કરી શકે છે. રિટેલ રોકાણકારો વધુમાં વધુ 13 લોટ માટે અરજી કરી શકે છે.
ગયા અઠવાડિયે, NSDL ના અનલિસ્ટેડ શેરનો ISIN ફ્રીઝ કરવામાં આવ્યો હતો, એટલે કે શેર લિસ્ટેડ ન થાય ત્યાં સુધી ટ્રાન્સફર કે ટ્રેડ કરી શકાતા નથી. IPO પહેલાના બજારમાં શેરનો ભાવ પ્રતિ શેર રૂ. 850-900 ની વચ્ચે જોવા મળ્યો હતો.
મુંબઈ સ્થિત ધારાવત સિક્યોરિટીઝના સીઈઓ હિતેશ ધારાવતને અપેક્ષા છે કે આ આઈપીઓનો પ્રાઇસ બેન્ડ આશરે રૂ. 700-750 રહેશે. આ અઠવાડિયે, નોન-લિસ્ટેડ શેર સ્થિર કરવામાં આવ્યા હતા અને શેરધારકોને ઇમેઇલ દ્વારા આ વિશે જાણ કરવામાં આવી હતી.
