શેરબજારના ઘટાડા વચ્ચે શું આ ‘સ્ટોક’ બનશે રોકેટ? જાણો 17 એનાલિસ્ટ્સનું ‘મોટું અનુમાન’
શેરબજારમાં અત્યારે ટાયર સેક્ટરની એક મોટી કંપનીના સમાચાર ખૂબ જ ચર્ચામાં છે. તાજેતરમાં જ કંપનીએ તેના ક્વાર્ટરના પરિણામો જાહેર કર્યા છે, જેમાં નફામાં ઘણો મોટો ઉછાળો જોવા મળ્યો છે. જો કે, છેલ્લા ટ્રેડિંગ સેશનમાં શેરના ભાવમાં થોડો ઘટાડો થયો હતો, જે રોકાણકારો માટે ચર્ચાનો વિષય બન્યો છે.
દિગ્ગજ ટાયર ઉત્પાદક કંપની સીએટ લિમિટેડ (Ceat Ltd) ને લઈને બ્રોકરેજ ફર્મ મોતીલાલ ઓસવાલે બુલિશ (તેજીનો) અંદાજ વ્યક્ત કર્યો છે. તાજેતરમાં જ કંપનીએ ચોથા ક્વાર્ટરના પરિણામો (Ceat Q4 Results Dividend FY26) જાહેર કર્યા હતા. એક્સચેન્જ ફાઇલિંગમાં કંપનીએ જણાવ્યું છે કે, તેના નફામાં 144 ટકાનો મોટો વધારો થયો છે.
બ્રોકરેજે આ સ્ટોક પર ₹4,228 ના ટાર્ગેટ પ્રાઇસ સાથે 'Buy' રેટિંગ યથાવત રાખેલ છે. એક તરફ ઇન્ડસ્ટ્રીમાં ઇનપુટ કોસ્ટ (ખર્ચ) વધી રહ્યો છે, ત્યારે બીજી તરફ કંપનીના નેટ પ્રોફિટે (PAT) અંદાજોને પાછળ છોડી દીધા છે. બ્રોકરેજ મોતીલાલ ઓસવાલનું કહેવું છે કે, GST રેટમાં ઘટાડાથી રિપ્લેસમેન્ટ અને OEM બંને સેગમેન્ટમાં ટાયરની માંગ વધારવામાં મદદ મળી છે. જો કે, કાચા માલના ખર્ચમાં તાજેતરના વધારાને કારણે ટૂંકાગાળામાં માર્જિન પર દબાણ આવવાની શક્યતા છે.
BSE ની વેબસાઇટ અનુસાર, 1 મે 2026, શુક્રવારે સીએટ લિમિટેડના શેરમાં 4.96% નો ઘટાડો જોવા મળ્યો હતો. શેરનો 52 સપ્તાહનો હાઈ (High) ₹4,431.60 અને લો (Low) ₹3,006.50 રહ્યો છે. 1 મે 2026 ના રોજ કંપનીનું માર્કેટ કેપ ₹13,946 કરોડ છે.
નોંધનીય છે કે, મોતીલાલ ઓસવાલ સિવાયના બાકીના 17 એનાલિસ્ટ્સ દ્વારા પણ આ સ્ટોકને રેટિંગ આપવામાં આવ્યું છે અને તેનું એકંદર તારણ 'Neutral' જોવા મળી રહ્યું છે. વિગતવાર જોઈએ તો, 5 એનાલિસ્ટ્સે 'Strong buy', 1 એનાલિસ્ટ દ્વારા 'Buy' અને 4 એનાલિસ્ટ્સે 'Hold' ની સલાહ આપી છે. બીજી તરફ, 6 એનાલિસ્ટ્સે આ સ્ટોકને 'Sell' કરવાની અને 1 એનાલિસ્ટે 'Strong sell' કરવાની ભલામણ કરી છે.
17 એનાલિસ્ટ્સના અનુમાન મુજબ, આ સ્ટોકનો સરેરાશ પ્રાઇસ ટાર્ગેટ ₹3,834.45 રાખવામાં આવ્યો છે, જે વર્તમાન ભાવથી અંદાજે 11.30% નો ઉછાળો સૂચવે છે. એનાલિસ્ટ્સ દ્વારા સ્ટોકનો મહત્તમ ભાવ (Max estimate) ₹4,823.00 અને લઘુત્તમ ભાવ (Min estimate) ₹3,200.00 રહેવાની શક્યતા વ્યક્ત કરવામાં આવી છે. ગ્રાફ મુજબ, સ્ટોકનો હાલનો ભાવ ₹3,445.20 ની આસપાસ ટ્રેડ થઈ રહ્યો છે.
