Stock Market: 1,000 શેરના સીધા 5,000 થશે! ભારતના અગ્રણી પ્લેટફોર્મે 1:5 શેર સ્પ્લિટની જાહેરાત કરી, રોકાણકારોને આનો લાભ ક્યારે મળશે?
કોમોડિટી ડેરિવેટિવ્ઝના ઓનલાઈન ટ્રેડિંગ માટેના ભારતના અગ્રણી પ્લેટફોર્મે મોટી જાહેરાત બહાર પાડી છે. વાત એમ છે કે, કંપનીએ 1:5 ના રેશિયોમાં સ્ટોક સ્પ્લિટની જાહેરાત કરી છે.
કંપનીએ એક્સચેન્જ ફાઈલિંગમાં જણાવ્યું કે, શેરહોલ્ડર્સની મંજૂરી મળ્યા બાદ આ સબ-ડિવિઝન લાગુ કરવામાં આવી રહ્યો છે. MCX મુજબ, ₹10 ની ફેસ વેલ્યુ ધરાવતો દરેક ફુલ્લી પેઇડ-અપ ઇક્વિટી શેર હવે ₹2 ની ફેસ વેલ્યુ ધરાવતા 5 ફુલ્લી પેઇડ-અપ ઇક્વિટી શેરમાં રૂપાંતરિત થશે.
MCX એ 2 જાન્યુઆરી, 2026 ને સ્ટોક સ્પ્લિટ માટે રેકોર્ડ ડેટ તરીકે જાહેર કરી છે. આ કોર્પોરેટ કાર્યવાહી માટે કયા શેરધારકો પાત્ર છે, તે નક્કી કરવા માટે રેકોર્ડ ડેટ એ કટ-ઓફ ડેટ છે. ટૂંકમાં જે રોકાણકારોના નામ રેકોર્ડ ડેટ સુધીમાં કંપનીના રજિસ્ટરમાં હશે, તેઓ સ્ટોક સ્પ્લિટ માટે પાત્ર રહેશે.
તાજેતરના મહિનાઓમાં MCX ના શેરમાં જોરદાર તેજી જોવા મળી છે. શુક્રવારે શેર ₹11,052 પર બંધ થયો, જે 2.10% વધીને ₹11,052 હતો. છેલ્લા અઠવાડિયામાં શેરમાં આશરે 6.25% જેટલો વધારો થયો છે.
એક મહિનામાં આ શેરમાં 7.17% જેટલું રિટર્ન મળ્યું છે. ત્રણ મહિનામાં લગભગ આ સ્ટોકમાં 38.18% અને 6 મહિનામાં 24.74% વધ્યો છે. છેલ્લા એક વર્ષમાં શેરમાં 73.97% નો વધારો થયો છે.
