Stock Market : એક શેર ₹35 નું ‘તગડું ડિવિડન્ડ’! 943% જેટલું રિટર્ન આપનારી કંપનીએ કરી મોટી જાહેરાત, રોકાણકારોમાં ઉત્સાહનો પાર નહીં
એક શેર પર રોકાણકારોને ₹35 નું તગડું ડિવિડન્ડ મળવા જઈ રહ્યું છે. ખાસ વાત એ છે કે, આ BSE સ્મોલકેપ કંપનીએ છેલ્લા 5 વર્ષમાં 943% જેટલું રિટર્ન આપ્યું છે.
BSE સ્મોલકેપ કંપની તેના શેરધારકોને ભેટ આપવા જઈ રહી છે. કંપનીએ નાણાકીય વર્ષ 2026 માટે પ્રતિ શેર ₹35 ના બીજા વચગાળાના ડિવિડન્ડની જાહેરાત કરી છે. આ ડિવિડન્ડ એવા રોકાણકારોને આપવામાં આવશે કે, જેમના નામ 16 જાન્યુઆરી, 2026 સુધી કંપનીના રેકોર્ડમાં નોંધાયેલા હશે.
કંપનીએ 6 જાન્યુઆરી, 2026 ના રોજ યોજાયેલી તેની બોર્ડ મીટિંગમાં આ નિર્ણય લીધો હતો. આ સ્મોલકેપ કંપનીના શેરની ફેસ વેલ્યુ ₹10 છે અને આ ડિવિડન્ડ હેઠળ, કંપની તેના શેરધારકો વચ્ચે કુલ રૂ. 10.90 કરોડનું વિતરણ કરશે. આ ડિવિડન્ડ 5 ફેબ્રુઆરી, 2026 સુધીમાં ચૂકવવામાં આવશે.
નોંધનીય છે કે, કંપનીએ અગાઉ નાણાકીય વર્ષ 2025 માટે પ્રતિ શેર ₹30 ના વચગાળાના ડિવિડન્ડની જાહેરાત કરી હતી. આનો અર્થ એ થયો કે, શેરધારકોને સતત બીજા વર્ષે સારું રિટર્ન મળી રહ્યું છે. હાલમાં, આ સ્મોલકેપ કંપનીનું માર્કેટ કેપ આશરે ₹951 કરોડ છે અને તેના શેરની કિંમત લગભગ ₹3,069.00 ની આસપાસ છે. 05 વર્ષમાં, કંપનીએ તેના રોકાણકારોને 943% જેટલું રિટર્ન આપ્યું છે.
TAAL Tech નું જૂનું નામ TAAL Enterprises Limited હતું. આ એક એન્જિનિયરિંગ સર્વિસ કંપની છે, જેમાં પ્રમોટર્સ 50.80% હિસ્સો ધરાવે છે. જો કે, છેલ્લા 06 મહિનામાં આ શેર લગભગ 11% ઘટ્યો છે. BSE પર શેરનો 52 અઠવાડિયાનો હાઈ 4,344 રૂપિયા અને લો (Low) 2,100 રૂપિયા રહ્યો છે, જ્યારે તેમાં 20 ટકાની સર્કિટ લિમિટ લાગુ છે.
કંપનીના નાણાકીય પરિણામની વાત કરીએ તો, જુલાઈ-સપ્ટેમ્બર 2025 ક્વાર્ટરમાં TAAL Tech ની સ્ટેન્ડઅલોન આવક ₹47 કરોડ હતી, જ્યારે ચોખ્ખો નફો ₹13.46 કરોડ હતો. અગાઉના જૂન 2025 ક્વાર્ટરમાં, કંપનીએ ₹43.88 કરોડની આવક અને ₹12.37 કરોડનો નફો નોંધાવ્યો હતો.
