કોણ છે વાઝમા આયુબી? જાણો શા માટે વર્લ્ડ કપમાં ચર્ચામાં છે આ અફઘાન ફેન ગર્લ
ભારતીય ક્રિકેટ ટીમનો ચાલી રહેલા વર્લ્ડ કપમાં પોતાનો દબદબો રહ્યો છે. ભારતે પહેલા લીગ મેચોમાં અને પછી સેમિફાઈનલમાં ન્યૂઝીલેન્ડ સામે જીત મેળવી હતી. હાલમાં અફઘાન ફેન વાઝમા આયુબી મેચ માટેના અતૂટ ઉત્સાહે સોશિયલ મીડિયા પર ધૂમ મચાવી છે. જેના કારણે ઘણા લોકો તેના ફેન બની ગયા છે.
વાઝમા આયુબીએ તાજેતરમાં જ ન્યૂઝીલેન્ડ સામેની સેમિફાઈનલ માટે મોહમ્મદ શમીને તેના નોંધપાત્ર પ્રદર્શન માટે અભિનંદન પાઠવ્યા હતા. તેને ભારત અને ન્યૂઝીલેન્ડની મેચ પછી એક્સ પર લખ્યું છે કે ઓએમજી, 7 વિકેટ! શું પ્રભાવ અને શું ક્રિકેટર #મોહમ્મદ શામી, ટીમ ઈન્ડિયાને શુભેચ્છા. (Image: Social Media)
તેને લીગ સ્ટેજની મેચમાં ઈંગ્લેન્ડ સામે શમીના પ્રદર્શન પર પણ ખુશી વ્યક્ત કરી હતી, જ્યાં ઝડપી બોલરે ભારત તરફથી 4 વિકેટ લીધી હતી. તેને ટ્વીટ કર્યું કે ક્યા ખેલાડી હૈ શામી. એશિયા કપ 2023 દરમિયાન બાંગ્લાદેશ સામેની ભારતની મેચ પહેલા, વાઝમા આયુબીએ 2022 ટૂર્નામેન્ટ દરમિયાન વિરાટ કોહલી દ્વારા પહેરવામાં આવેલી જર્સી પહેરી હતી. તસવીરો શેર કરતાં તેને લખ્યું છે કે "મારી મનપસંદ ટીમને સપોર્ટ કરવા માટે મેં જે જર્સી પહેરી છે તે એશિયા કપમાં ભારત વિરુદ્ધ અફઘાનિસ્તાન મેચમાં કિંગ વિરાટ કોહલીએ પોતે પહેરી હતી. તેના પર તેની સહી પણ છે." (Image: Social Media)
