મેડલ મશીનની ભૂમિકા ભજવશે ગુજરાતનાં 35 સ્પોર્ટ્સ કોમ્પ્લેક્સ- જુઓ ફોટો
રાજ્યમાં 35 નવાં સ્પોર્ટ્સ કોમ્પ્લેક્સથી ખેલ-સંસ્કૃતિ ખીલશે, તેમજ ગુજરાતનાં સ્પોર્ટ્સ કોમ્પ્લેક્સ મેડલ મશીનની ભૂમિકા ભજવશે, સ્પોર્ટ્સ સંકુલ માત્ર રમતગમતનાં જ નહિ, કૌશલ્ય નિર્માણનાં કેન્દ્રો પણ બની રહેશે.રાજ્યમાં સ્પોર્ટ્સ ઓથોરિટી ઑફ ગુજરાતના જિલ્લા કક્ષાના 13 અને તાલુકા કક્ષાના 22 મળીને કુલ 35 નવાં સ્પોર્ટ્સ કોમ્પ્લેક્સ બનવા જઈ રહ્યાં છે.
અમરેલી, આણંદ ભરૂચ, બોટાદ, છોટાઉદેપુર, દેવભૂમિ દ્વારકા, ગીર સોમનાથ, જામનગર, મહીસાગર, મોરબી, નવસારી, સુરેન્દ્રનગર અને વલસાડ સહિતના કુલ 13 જિલ્લાઓમાં નવા સ્પોર્ટ્સ કોમ્પલેક્સ શરૂ થશે.
સ્પોર્ટ્સ ઓથોરિટી ઓફ ગુજરાતના સ્પોર્ટ્સ કૉમ્પ્લેક્સ અને હાઈ પરફોર્મન્સ સેન્ટરમાં અનુભવી કોચિંગ સ્ટાફ દ્વારા વોલિબોલ, એથ્લેટિક્સ, સ્વિમિંગ, આર્ચરી, રેસલિંગ, કબડ્ડી, જૂડો, બાસ્કેટબોલ, ટેબલટેનિસ, બેડમિન્ટન, ફૂટબોલ, હોકી, ખો ખો સહિતની રમતોની તાલીમ અને માર્ગદર્શન પૂરું પાડવામાં આવે છે.
હાલમાં પેરિસ ખાતે ચાલી રહેલી ઓલિમ્પિક 2024માં દેશના ખેલાડીઓ સાતત્યપૂર્ણ પ્રદર્શન થકી દેશને વધુ ને વધુ મેડલ અપાવવા મહેનત કરી રહ્યા છે. ઓલિમ્પિક અને પેરાલિમ્પિક 2024માં ગુજરાતના કુલ 5 ખેલાડીઓ આંતરાષ્ટ્રીય સ્તરે રાજ્યનું નામ રોશન કરી રહ્યા છે.
આવનારા સમયમાં નવા બનનારા 35 સ્પોર્ટ્સ કૉમ્પ્લેક્સ થકી રાજ્યને વિવિધ રમતોમાં મેડલ્સ અપાવનારા ખેલાડીઓની સંખ્યા અનેકગણી વધવાની આશા છે.
છેલ્લાં કેટલાંક વર્ષોથી રાજ્યમાં સુઆયોજિત સ્પોર્ટ્સ ઈન્ફ્રાસ્ટ્રક્ચર થકી રમતગમત ક્ષેત્રે ઉભરતા ખેલાડીઓને મજબૂત પ્લેટફોર્મ મળી રહ્યું છે. જેના લીધે રાજ્યના ખેલાડીઓ નેશનલ ગેમ્સ, એશિયન ગેમ્સ અને ઓલિમ્પિક સહિતની રાષ્ટ્રીય અને આંતરરાષ્ટ્રીય સ્પર્ધાઓમાં ગુજરાતનું નામ રોશન કરી રહ્યા છે.
'શક્તિદૂત' જેવી રાજ્ય સરકારની ફ્લેગશિપ યોજના પણ નાણાકીય સહાય અને અનુદાન થકી વિવધ રમતોના 64 ખેલાડીઓને મોટો ટેકો આપી રહી છે.
સ્પોર્ટ્સ કૉમ્પ્લેક્સમાં ખેલાડીઓને મળી રહેલી સુવિધાઓ વિશે વાત કરીએ તો. તાલીમ અને કોચિંગ સપોર્ટ,હાઇપરફોર્મન્સ સેન્ટર,સિન્થેટિક એથ્લેટિક ટ્રેક,સ્ટ્રેન્થ એન્ડ એન્ડયોરન્સ રૂમ,સાયકોલોજી રૂમ,સ્ટીમ સોના રૂમ એન્ડ કન્સલ્ટેશન રૂમ,હાઇપરફોર્મન્સ જિમ,જકુઝી,મલ્ટી પર્પઝ હોલ,હોસ્ટેલ સુવિધા,ઇન્ટરનેશનલ સ્ટાન્ડર્ડ ગ્રાઉન્ડ્સ,ચેન્જ રૂમ,કલાઇમ્બિંગ વોલ,ડોર્મીટરી,શૂટિંગ રેન્જ,ઇન્ડોર અને આઉટડોર સ્પોર્ટસ ઇન્ફ્રાસ્ટ્રક્ચર
સ્પોર્ટ્સ ઓથોરિટી ઓફ ગુજરાત દ્વારા વિવિધ યોજનાઓ અને કાર્યક્રમો દ્વારા ખેલાડીઓને મળી રહેલી સુવિધાઓ વિશે જાણીએ તો. નાણાકીય સહાય ,શિક્ષણ સુવિધા,ડાયટ , ટુર્નામેન્ટ એક્સપોઝર, હોસ્ટેલ સુવિધા, સ્ટાયપેન્ડ , અદ્યતન સ્પોર્ટ્સ ઇન્ફ્રાસ્ટ્રકચર, સ્પોર્ટ્સ કિટ એન્ડ ઇક્વિપમેન્ટ્સ , પરફોર્મન્સ રિવ્યૂ એન્ડ ઇમ્પ્રુવમેન્ટ, ટેલેન્ટ આઇડેન્ટિફિકેશન એન્ડ નર્ચરિંગ
