Vinesh Phogat Retirement : “મા, હું હારી ગઈ, કુસ્તી જીતી ગઈ”… વિનેશ ફોગાટે જાહેર કરી નિવૃત્તિ, લખી ઈમોશનલ પોસ્ટ, જુઓ ટ્વીટ
Vinesh Phoghat Retire : વિનેશ ફોગાટે કુસ્તીમાંથી નિવૃત્તિ લીધી છે. નિવૃત્તિ લેતી વખતે તેણે કંઈક હૃદયસ્પર્શી કહ્યું. પેરિસ ઓલિમ્પિકમાંથી ગેરલાયક ઠરવાની ઘટનાથી દુઃખી વિનેશ ફોગાટે સોશિયલ મીડિયા દ્વારા પોતાની નિવૃત્તિની જાણકારી આપી હતી.
વિનેશે પેરિસ ઓલિમ્પિકમાં શાનદાર કુસ્તીનું પ્રદર્શન કરીને મહિલાઓની 50 કિગ્રા વર્ગની ફાઇનલમાં પોતાનું સ્થાન નિશ્ચિત કર્યું હતું. તે ઓલિમ્પિક ફાઇનલમાં રમનારી પ્રથમ ભારતીય મહિલા કુસ્તીબાજ બની હતી. પરંતુ ફાઈનલના થોડાં કલાકો પહેલા તેના પર વધુ વજન હોવાનો આરોપ મૂકવામાં આવ્યો હતો અને તેને ગેરલાયક ઠેરવવામાં આવી હતી.
wrestling : રિયોથી પેરિસ સુધી… તમારું સ્વપ્ન સાકાર ન થઈ શક્યું! : એક દાયકા કરતાં વધુ સમયથી આંતરરાષ્ટ્રીય કુસ્તી મેટ પર એક્ટિવ રહેલી વિનેશ ફોગાટે ઓલિમ્પિકમાં મેડલ જીતવાનું સપનું જોયું હતું. તેની માતાનું પણ આ સપનું હતું. પરંતુ, સતત ત્રીજી ઓલિમ્પિકમાં ભાગ લીધા બાદ પણ વિનેશ આવું કરી શકી ન હતી.
olympics 2024 : વિનેશે રિયો 2016માં ઓલિમ્પિક ડેબ્યૂ કર્યું હતું. જ્યાં તેને ઈજાના કારણે બહાર થવું પડ્યું હતું. જે બાદ ટોક્યો ઓલિમ્પિકમાં વિનેશ ફોગાટની સફર ક્વાર્ટર ફાઈનલમાં પૂરી થઈ ગઈ હતી. જ્યારે તે પેરિસ ઓલિમ્પિકમાં નવો ઈતિહાસ લખવાથી માત્ર એક ડગલું દૂર હતી ત્યારે તેને ગેરલાયક ઠેરવવાના નિર્ણયે માત્ર તેના જ નહીં પરંતુ સમગ્ર ભારતનું દિલ તોડી નાખ્યું હતું.
Published On - 8:06 am, Thu, 8 August 24
