Paris Olympics 2024 : નીરજ ચોપરા શું ફરી જીતશે ગોલ્ડ મેડલ? આ દિવસે પેરિસ ઓલિમ્પિકમાં એક્શનમાં જોવા મળશે
Olympics 2024 : નીરજ ચોપરા પેરિસ ઓલિમ્પિકમાં મેદાનમાં ઉતરવાની તારીખ નજીક આવી રહી છે.જો નીરજ ચોપરા પેરિસ ઓલિમ્પિકમાં ગોલ્ડ મેડલ જીતે છે તો ઈતિહાસ રચી દેશે.
પેરિસ ઓલિમ્પિક 2024માં ભારતના સ્ટાર એથલીટ નીરજ ચોપરા પાસે મોટી આશા છે. નીરજે ટોક્યો ઓલિમ્પિક 2018માં ભારત માટે ગોલ્ડ મેડલ જીત્યો હતો અને ફરી એક વખત તેની પાસે પેરિસમાં પણ મોટી આશા છે.
નીરજ ચોપરા જો આ વખતે ગોલ્ડ મેડલ જીતવામાં સફર રહે છે તો તે ઈતિહાસ રચી દેશે. તો ચાલો તમને જણાવી દઈએ કે, નીરજ ચોપરા ક્યારે મેદાનમાં જોવા મળશે.
ભારત તરફથી સ્ટાર એથલીટ અને ઓલિમ્પિકના ઈતિહાસમાં ગોલ્ડ મેડલ જીતનાર 2 ખેલાડી છે, એક અભિનવ બિંદ્રા અને બીજો છે નીરજ ચોપરા, ભારત તરફથી અત્યારસુધી કોઈ અન્ય ખેલાડીએ 2 ગોલ્ડ મેડલ ઓલિમ્પિકમાં જીત્યા નથી, પરંતુ નીરજ જે રીતે પ્રદર્શન કરી રહ્યો છે. તેને જોઈ આશા છે કે, તે ભારત માટે ઓલિમ્પિકમાં 2 ગોલ્ડ મેડલ જીતી કમાલ કરી શકે છે.
નીરજે પેરિસ ઓલિમ્પિકમાં 6 ઓગસ્ટના રોજ મેદાનમાં ઉતરશે. જો ફાઈનલમાં ક્વોલિફાય કરી જાય છે તો 8 ઓગસ્ટના રોજ એક્શનમાં જોવા મળશે. 8 ઓગસ્ટના રોજ પુરુષ જેવલિન થ્રોની શરુઆત ભારતીય સમય મુજબ દિવસના 11:55 કલાકે થશે.
નીરજ ચોપરા જો 8 ઓગસ્ટના રોજ પુરુષ જેવલિન થ્રો ઈવેન્ટમાં ભારત માટે ગોલ્ડ મેડલ જીતે છે તો તે ઓલિમ્પિકમાં સતત 2 ગોલ્ડ મેડલ જીતનાર પ્રથમ એથલીટ બની જશે.