Paralympics 2024: અકસ્માતમાં હાથને થયું હતું નુકસાન, હવે તુલસીમતીએ પેરાલિમ્પિક્સમાં જીત્યો સિલ્વર મેડલ
તુલસીમતી મુરુગેસને પેરિસ પેરાલિમ્પિક્સમાં સિલ્વર મેડલ જીતીને ઈતિહાસ રચ્યો હતો. મુરુગેસન દેશ માટે સિલ્વર મેડલ જીતનારી ભારતની પ્રથમ મહિલા બેડમિન્ટન ખેલાડી છે. મુરુગેસનનો હાથ બાળપણથી જ ખરાબ હતો અને અકસ્માતમાં તેના હાથને વધુ નુકસાન થયું છતાં તેણે હાર ન માની અને આજે તમામ દેશવાસીઓને તેના પરત ગર્વ છે.
તુલસીમતી મુરુગેસને પેરિસ પેરાલિમ્પિક્સમાં પોતાના શાનદાર પ્રદર્શનથી ઈતિહાસ રચ્યો હતો. તુલસીમતી મુરુગેસન દેશ માટે સિલ્વર મેડલ જીતનારી ભારતની પ્રથમ મહિલા પેરા-બેડમિન્ટન ખેલાડી છે. પેરાલિમ્પિક્સમાં કોઈપણ ભારતીય મહિલા પેરા-બેડમિન્ટન ખેલાડીનું આ સર્વશ્રેષ્ઠ પ્રદર્શન છે.
તુલસીમતી મુરુગેસન ચીનની યાંગ ક્વિ જિયા સામે 17-21, 10-21થી ખિતાબની લડાઈ હારી ગઈ હતી. તુલસીમતી મુરુગેસન ભલે એકતરફી રીતે ફાઈનલ મેચ હારી ગઈ હોય પરંતુ તેણે પેરાલિમ્પિક્સમાં પોતાની ક્ષમતા સાબિત કરી.
તુલસીમતી મુરુગેસનનો જન્મ 11 એપ્રિલ, 2022ના રોજ તમિલનાડુમાં થયો હતો. 22 વર્ષની આ ખેલાડી નાનપણથી જ તેના ડાબા હાથનો અંગૂઠો ગાયબ હતો. આ પછી, તેણીને એક અકસ્માત થયો જેમાં તેણીનો જીવ સદનસીબે બચી ગયો, જોકે આ અકસ્માતમાં તેના ડાબા હાથને વધુ નુકસાન થયું હતું.
આ નુકસાન છતાં તુલસીમતી મુરુગેસને હાર ન માની અને 7 વર્ષની ઉંમરથી બેડમિન્ટન ખેલાડી બનવાનું નક્કી કર્યું. તુલસીમતી મુરુગેસને પુલેલા ગોપીચંદ બેડમિન્ટન એકેડમીમાંથી તાલીમ લીધી હતી. તુલસીમતી સાઈના નેહવાલને પોતાની આઈડલ માને છે. તુલસીમતી મુરુગેસનને બેડમિન્ટન ખેલાડી બનાવવામાં તેના પિતાની મોટી ભૂમિકા હતી.
તુલસીમતી મુરુગેસને એશિયન પેરા ગેમ્સ 2022માં હેડલાઈન્સ બનાવી હતી. તેણે SL3-SU5 અને SU5માં દેશ માટે 3 મેડલ જીત્યા હતા. ડિસેમ્બર 2023માં, તુલસીમતી મુરુગેસને મહિલા ડબલ્સમાં માનસી જોશી સાથે ફઝા દુબઈ પેરા બેડમિન્ટન ઈન્ટરનેશનલ 2023માં દેશ માટે ગોલ્ડ મેડલ જીત્યો હતો.
પીએમ મોદીએ તુલસીમતી મુરુગેસનને વર્ષ 2023માં તેમની સફળતા બદલ સલામ પણ કરી હતી. તે જ વર્ષે તુલસીમતી મુરુગેસને માનસી જોશી સાથે મળીને વર્લ્ડ ચેમ્પિયનશિપમાં સિલ્વર મેડલ જીત્યો હતો. હવે તેને પેરિસ પેરાલિમ્પિકમાં સિલ્વર મેડલ પણ મળ્યો છે. જોકે, આ ખેલાડીમાં જે પ્રકારની પ્રતિભા છે તે જોઈને સ્પષ્ટ છે કે આગામી વખતે તુલસીમતી મુરુગેસનના મેડલનો રંગ ગોલ્ડમાં બદલાઈ જશે. (Photo Courtesy : PM India)
Published On - 9:56 pm, Mon, 2 September 24