મનુ ભાકરને ખેલ રત્ન એવોર્ડ મળશે, ડી ગુકેશને પણ સૌથી મોટા એવોર્ડથી સન્માનિત કરવામાં આવશે
Jan 02, 2025 | 3:16 PM
પેરિસ ઓલિમ્પિકમાં દેશ માટે બે બ્રોન્ઝ મેડલ જીતનાર શૂટર મનુ ભાકરને ખેલ રત્ન એવોર્ડ આપવામાં આવશે. તેની સાથે વિશ્વ ચેમ્પિયન ચેસ ખેલાડી ડી ગુકેશને પણ ખેલ રત્નથી સન્માનિત કરવામાં આવશે. હોકી ટીમના કેપ્ટન હરમનપ્રીત સિંહ અને પેરાલિમ્પિક્સ ગોલ્ડ મેડલ વિજેતા પ્રવીણ કુમારને પણ ખેલ રત્ન એવોર્ડ આપવામાં આવશે. રમતગમત મંત્રાલય 32 ખેલાડીઓને અર્જુન એવોર્ડથી સન્માનિત કરશે, જેમાંથી 17 પેરા એથ્લેટ છે.
પેરિસ ઓલિમ્પિકમાં દેશ માટે બે બ્રોન્ઝ મેડલ જીતનાર શૂટર મનુ ભાકરને ખેલ રત્ન એવોર્ડ આપવામાં આવશે. મનુ ભાકરની સાથે વિશ્વ ચેમ્પિયન ચેસ ખેલાડી ડી ગુકેશને પણ ખેલ રત્નથી સન્માનિત કરવામાં આવશે.
પહેલા સમાચાર આવ્યા હતા કે મનુ ભાકરનું નામ ખેલ રત્ન માટે પસંદ કરવામાં આવ્યું નથી, પરંતુ તે તમામ સમાચારોને ફગાવી દેવામાં આવ્યા છે અને હવે મનુ ભાકરને દેશનો સૌથી મોટો સ્પોર્ટ્સ એવોર્ડ મળવા જઈ રહ્યો છે.
ચેસ ખેલાડી ડી ગુકેશને પણ ખેલ રત્ન એવોર્ડથી સન્માનિત કરવામાં આવશે. ગુકેશે ગયા મહિને 12મી ડિસેમ્બરે ચેસનો વર્લ્ડ ચેમ્પિયન બનવાનું ગૌરવ પ્રાપ્ત કર્યું હતું. ગુકેશે સિંગાપોરમાં આયોજિત વર્લ્ડ ચેમ્પિયનશિપમાં ચીનના ડિંગ લિરેનને હરાવીને ટાઈટલ જીત્યું હતું. તે માત્ર 18 વર્ષની ઉંમરે વર્લ્ડ ચેમ્પિયન બન્યો હતો, જે એક વર્લ્ડ રેકોર્ડ છે.
ભારતીય હોકી ટીમના કેપ્ટન હરમનપ્રીત સિંહને પણ ખેલ રત્ન એવોર્ડ આપવામાં આવશે. હરમનપ્રીત સિંહની કેપ્ટન્સીમાં ભારતીય ટીમે સતત બીજી વખત ઓલિમ્પિકમાં બ્રોન્ઝ મેડલ જીત્યો હતો.
પેરા એથ્લેટ પ્રવીણ કુમારને પણ ખેલ રત્ન એવોર્ડથી સન્માનિત કરવામ આવશે. પ્રવીણ કુમારે હાઈ જમ્પ T64 ઈવેન્ટમાં દેશ માટે ગોલ્ડ મેડલ જીત્યો હતો. પ્રવીણ કુમારે એશિયન રેકોર્ડ તોડીને આ સિદ્ધિ મેળવી હતી. (All Photo Credit : PTI / GETTY / X)
Published On - 3:16 pm, Thu, 2 January 25