FIFA World Cup: અમેરિકાએ કર્યા આટલા બધા ગોલ, જીત સાથે શાનદાર શરૂઆત, પહેલી જ મેચમાં ઈતિહાસ રચ્યો
USA vs Paraguay: ફિફા વર્લ્ડ કપ 2026 ના હોસ્ટ અમેરિકાએ પોતાની પહેલી જ મેચમાં ધમાકેદાર પ્રદર્શન કરી યાદગાર જીત મેલી હતી. પેરાગ્વે સામે પોતાની પહેલી મેચમાં USA ના ખેલાડીઓએ ગોલનો વરસાદ કરી દીધો. ખાસ વાત એ હતી કે યુનાઇટેડ સ્ટેટ્સ માટે પહેલો ગોલ તેની પોતાની ટીમના ખેલાડીએ નહીં પરંતુ પેરાગ્વેના એક ખેલાડીએ કર્યો હતો, જેના કારણે યુએસએને 1-0ની લીડ મળી હતી.
વિવાદો અને ટીકાઓથી ઘેરાયેલા યુનાઇટેડ સ્ટેટ્સમાં ફિફા વર્લ્ડ કપ 2026 શરૂ થઈ ગયો છે, અને ટૂર્નામેન્ટના સૌથી મોટા યજમાન, યુનાઇટેડ સ્ટેટ્સે તેના પહેલા મેચમાં પેરાગ્વેને 4-1થી હરાવીને શાનદાર શરૂઆત કરી હતી.
લોસ એન્જલસ સ્ટેડિયમમાં રમાયેલી આ ગ્રુપ D મેચમાં સ્ટેડીયમ હાઉસફૂલ હતું. કારણ કે યુનાઇટેડ સ્ટેટ્સ ઘરઆંગણે રમી રહ્યું હતું. ટોમ ક્રૂઝ જેવા ફેમસ હોલીવુડ સ્ટાર્સ પણ હાજર રહ્યા હતા.
USA ટીમે તેના ચાહકો અને સેલિબ્રિટી ફેન્સને નિરાશ નહીં કર્યા અને પેરાગ્વે સામે ચાર ગોલ કરીને ઈતિહાસ રચ્યો. આ પહેલીવાર હતું જ્યારે યુએસ ટીમે વર્લ્ડ કપ મેચમાં ચાર ગોલ કર્યા હતા.
જોકે, આ વર્લ્ડ કપમાં USA માટે પહેલો ગોલ તેમની ટીમના કોઈ ખેલાડીએ નહીં, પરંતુ પેરાગ્વેના ખેલાડી ડેમિયન બોબાડિલા (નં. 16) દ્વારા કરવામાં આવ્યો હતો જ્યારે તેણે સાતમી મિનિટે બોલને હેડ કરીને પોતાના જ ગોલમાં પહોંચાડ્યો હતો.
ફોલારિન બાલોગન (નંબર 20) આ વર્લ્ડ કપમાં ગોલ કરનાર પ્રથમ અમેરિકન ખેલાડી બન્યો, તેણે પ્રથમ હાફના 31મા મિનિટે અને ઇન્જરી ટાઇમ (45+5 મિનિટ) માં બે વાર ગોલ કર્યો. મૌરિસિયોએ 73મા મિનિટે પેરાગ્વે માટે ગોલ નોંધાવ્યો, પરંતુ જીઓવાન્ની રેનાએ મેચની અંતિમ મિનિટ (90+8 મિનિટ) માં યુનાઇટેડ સ્ટેટ્સ માટે ચોથો ગોલ ઉમેર્યો. (PC: X/FIFA World Cup)
