India vs China Hockey Final : ભારત અને ચીન વચ્ચે ફાઈનલ મુકાબલો અહીં ફ્રીમાં જોઈ શકશો
ભારતીય કેપ્ટન હરમનપ્રીત સિંહના 2 ગોલની મદદથી ભારતે સાઉથ કોરિયાને 4-1થી હરાવી પુરુષ એશિયન ચેમ્પિયન ટ્રોફીની ફાઈનલમાં એન્ટ્રી કરી લીધી છે. ફાઈનલમાં ભારતનો મુકાબલો ચીન સામે થશે,
શાનદાર ફોર્મમાં જોવા મળનારી ભારતીય હોકી ટીમે ચેમ્પિયન ટ્રોફીની ફાઈનલમાં એન્ટ્રી કરી લીધી છે. કેપ્ટન હરમનપ્રીત સિંહના 2 ગોલની મદદથી ગત્ત ચેમ્પિયન ભારતે સોમવારે સાઉથ કોરિયાને 4-1થી હરાવી પુરુષ એશિયન ટ્રોફી હોકી ટૂર્નામેન્ટમાં પ્રવેશ કરી લીધો છે.
ભારત માટે કેપ્ટન હરમનપ્રીત સિંહે 2 ગોલ જ્યારે ઉત્તમ સિંહ અને જરમનપ્રીત સિંહે એક એક ગોલ કર્યો છે. કોરિયા તરફથી એકમાત્ર ગોલ યૈગ જિહુને પેનલ્ટી કોર્નર કર્યો છે.
ભારતીય હોકી ટીમ આજે ફાઈનલમાં ચીન સામે ટકરાશે. 17 સપ્ટેમ્બરના રોજ આજે એટલે કે, મંગળવારના રોજ એશિયન ચેમ્પિયન ટ્રોફીમાં ભારત અને ચીન વચ્ચે ફાઈનલ મેચ રમાશે. આ મેચ બપોરના 3:30 કલાકે શરુ થશે.
ભારત અને ચીન વચ્ચે એશિયન ચેમ્પિયન ટ્રોફીની ફાઈનલ મેચ ટીવી પર લાઈવ સોની સ્પોર્ટસ નેટવર્ક પર જોઈ શકાશે. તેમજ મેચનું લાઈવ સ્ટ્રીમિંગ સોની લિવ એપ અને વેબસાઈટ પર થશે.
આજે ભારત હોકી ટીમની નજર જીત પર રહેશે. તો ચીન પણ ફરી એક વખત ઈતિહાસ રચવા માટે પાકિસ્તાન બાદ ભારતને હરાવવા મેદાનમાં ઉતરશે.ભારત આ પહેલા 4 વખત એશિયન ચેમ્પિયન્સ ટ્રોફીનું ટાઈટલ જીતી ચૂક્યું છે. આવી સ્થિતિમાં આ વખતે તેની નજર રેકોર્ડ 5મી વખત ટાઈટલ જીતવા પર રહેશે.