Smart TV repair tips : સ્માર્ટ ટીવીની પાવર લાઇટ પરથી જ ખબર પડી જશે કે તમારા TV માં શું ફોલ્ટ છે, જાણો કેવી રીતે
તમારા સ્માર્ટ ટીવી પર દેખાતી નાની લાલ પાવર લાઇટ માત્ર એક સંકેત નથી, પરંતુ તમારા ટીવીની અંદર શું ચાલી રહ્યું છે તે વિશે ઘણું બધું જણાવે છે. તેના ઝબકવા, રંગ બદલવા અથવા સતત ચાલુ રહેવાના પેટર્નને સમજવાથી તમે સમયસર સમસ્યા ઓળખી શકો છો અને તમારા ટીવીની લાઈફ લાંબી કરી શકો છો.
કેટલાક કિસ્સાઓમાં, પાવર લાઇટ સામાન્ય રીતે ચાલુ રહે છે પરંતુ સ્ક્રીન સંપૂર્ણપણે કાળી રહે છે અને કોઈ અવાજ પણ નથી આવતો. iFixitTV મુજબ, આવી સ્થિતિમાં ટીવીનો બેકલાઇટ અથવા ડિસ્પ્લે પેનલ ખરાબ થઈ રહ્યો હોઈ શકે છે. આ ચકાસવા માટે ટીવી ચાલુ રાખીને સ્ક્રીન પર ટોર્ચ અથવા ફ્લેશલાઇટ પાડો. જો ઝાંખી છબી દેખાય, તો સમસ્યા બેકલાઇટમાં છે પેનલમાં નહીં. સમયસર આ ઓળખવાથી ભારે ખર્ચથી બચી શકાય છે.
Sony સહિત કેટલાક સ્માર્ટ ટીવી બ્રાન્ડ્સ પાવર લાઇટ દ્વારા એરર કોડ પણ દર્શાવે છે. એટલે કે, ચોક્કસ સમસ્યા દર્શાવવા માટે પાવર લાઇટ નિશ્ચિત પેટર્નમાં ઝબકે છે. સામાન્ય વપરાશકર્તા ઘણીવાર આને સામાન્ય માને છે, પરંતુ વાસ્તવમાં તે ટેકનિકલ ખામીનો સંકેત હોઈ શકે છે. જો તમે પાવર લાઇટને ચોક્કસ પેટર્નમાં ઝબકતો જુઓ. જેમ કે સતત આઠ ફ્લેશ અથવા બે તૂટક ફ્લેશ તો તરત કંપનીના સર્વિસ સેન્ટરનો સંપર્ક કરો. ટેકનિશિયન આ પેટર્ન પરથી ચોક્કસ ખામી ઓળખી શકે છે અને સમયસર રિપેર કરીને મોટા ખર્ચથી બચાવી શકે છે.
ક્યારેક ટીવી બંધ કર્યા પછી પણ પાવર લાઇટ રંગ બદલતી રહે છે. તેનો અર્થ એ છે કે ટીવી સંપૂર્ણ રીતે રેસ્ટ મોડમાં ગયું નથી. આ સ્થિતિ બેકગ્રાઉન્ડ અપડેટ, એપ્લિકેશન સિંક અથવા સિસ્ટમ ક્લીનિંગ દરમિયાન જોવા મળે છે. આવી સ્થિતિમાં, પાવર લાઇટ સામાન્ય થાય ત્યાં સુધી રાહ જોવી કે પછી ટીવીને રીસ્ટાર્ટ કરીને યોગ્ય રીતે બંધ કરવું શ્રેષ્ઠ વિકલ્પ છે. અંતમાં, સમયાંતરે ટીવીને થોડા સમય માટે પાવર સોકેટમાંથી અનપ્લગ કરવાથી આંતરિક સિસ્ટમને રેસ્ટ મળે છે, જે તમારા સ્માર્ટ ટીવીના આયુષ્યને નોંધપાત્ર રીતે વધારી શકે છે.
