વરસાદમાં કે વાવાઝોડા સમયે AC ચલાવવું જોઈએ કે નહીં? 99% લોકો નથી જાણતા આ વાત
આ સમય દરમિયાન, કેટલીક જગ્યાએ ભારે પવન, તોફાન અને વરસાદ પણ જોવા મળી રહ્યો છે. આવી સ્થિતિમાં, ઘણા લોકોના મનમાં આ પ્રશ્ન ઉદ્ભવે છે કે ચોમાસા દરમિયાન AC ચલાવવું સલામત છે કે નહીં. તેમજ જો ચલાવી શકાય છે તો કઈ કઈ બાબતોનું ધ્યાન રાખવું જોઈએ.
ગરમીથી રાહત મેળવવા માટે લોકો એર કંડિશનર (AC)નો ઉપયોગ કરે છે. પરંતુ ચોમાસું શરુ થઈ ગયું છે અને આ સમય દરમિયાન, કેટલીક જગ્યાએ ભારે પવન, તોફાન અને વરસાદ પણ જોવા મળી રહ્યો છે. આવી સ્થિતિમાં, ઘણા લોકોના મનમાં આ પ્રશ્ન ઉદ્ભવે છે કે ચોમાસા દરમિયાન AC ચલાવવું સલામત છે કે નહીં. તેમજ જો ચલાવી શકાય છે તો કઈ કઈ બાબતોનું ધ્યાન રાખવું જોઈએ.
ચોમાસામાં તમે ACનો ઉપયોગ કરી શકો છો પણ તે સાથે તમારે કેટલીક સાવચેતી પણ રાખવી પડશે.
આઉટડોર યુનિટ પર દબાણ પડે: સૌ પ્રથમ, એ જાણવું મહત્વપૂર્ણ છે કે જોરદાર વાવાઝોડા અથવા વરસાદ દરમિયાન, એસીના આઉટડોર યુનિટ પર વધારાનું દબાણ હોય છે. આ સમય દરમિયાન, હવામાં ઉડતો કચરો, ધૂળ અને પાણી એસીના બાહ્ય ભાગને નુકસાન પહોંચાડી શકે છે. જો એસી ચાલી રહ્યું હોય અને જોરદાર વાવાઝોડા સાથે વરસાદ પડી રહ્યો હોય, તો તેના બાહ્ય યુનિટને નુકસાન થઈ શકે છે.
વોલ્ટેજમાં વધઘટ: વરસાદની ઋતુમાં ઘણી વખત લાઈટો જતી રહે છે ત્યારે કેટલીકવાર તે ડીમ પણ હોય છે આવી સ્થિતિમાં, વોલ્ટેજ અચાનક ઘટી જાય કે પછી વધી જાય છે, જેના કારણે ACના કોમ્પ્રેશર પર દબાણ પડે છે અને આમ AC બગડી પણ શકે છે. સર્કિટને અસર કરી શકે છે અને તે કાયમી નુકસાન પણ કરી શકે છે.
વાવાઝોડા દરમિયાન AC: તેથી, સલાહ આપવામાં આવે છે કે જોરદાર વાવાઝોડા અથવા વાવાઝોડા દરમિયાન AC ને થોડા સમય માટે બંધ રાખવું જોઈએ. જ્યારે હવામાન થોડું સામાન્ય થઈ જાય, ત્યારે AC ચાલુ કરતા પહેલા એક વાર તેના આઉટડોર યુનિટને તપાસો.
ACમાં પાણી ભરાય જાય: ઘણી વખત ભારે પવનને કારણે, AC ના પાણીના આઉટલેટ પાઇપમાં અવરોધ આવે છે. જો પાઇપ બ્લોક થઈ જાય, તો AC ની અંદર પાણી એકઠું થવા લાગે છે, જે અંદરના ભાગોને નુકસાન પહોંચાડી શકે છે. આ ઉપરાંત, AC ના વાયરિંગ પણ ઢીલા થઈ શકે છે અથવા તોફાનને કારણે તૂટી શકે છે, તેથી તેને ફરીથી ચાલુ કરતા પહેલા વાયરિંગ તપાસવું ખૂબ જ મહત્વપૂર્ણ છે.
જો તમે આ સાવચેતીઓનું ધ્યાન રાખશો, તો તમે હવામાન ગમે તેટલું ખરાબ હોય, લાંબા સમય સુધી તમારા ACનો સુરક્ષિત અને યોગ્ય રીતે ઉપયોગ કરી શકશો.
Published On - 11:57 am, Wed, 25 June 25
