આ મોટી IT કંપનીના શેરહોલ્ડરો માટે Good News, દિવાળી પહેલા કંપની આપશે બોનસ શેર
Bonus shares : IT કંપનીએ હજુ સુધી બોનસ ઇશ્યૂ માટે રેકોર્ડ ડેટ નક્કી કરી નથી. જેની જાહેરાત તેની બે દિવસની બોર્ડ મીટિંગના અંતે કરવામાં આવશે. આ કંપનીએ ભૂતકાળમાં 13 વખત બોનસ શેર આપ્યા છે.
IT કંપની વિપ્રોના શેરધારકો માટે સારા સમાચાર છે. કંપની તેના શેરધારકોને બોનસ શેર આપશે. આઈટી કંપની વિપ્રો દ્વારા આપવામાં આવેલી માહિતી અનુસાર તેનું બોર્ડ ઓફ ડિરેક્ટર 16-17 ઓક્ટોબર, 2024ના રોજ યોજાનારી બેઠકમાં બોનસ શેર આપવા પર વિચાર કરશે.
વિપ્રો 17 ઓક્ટોબર, 2024 ના રોજ નાણાકીય વર્ષ 2024-25 માટે તેના બીજા ક્વાર્ટરના પરિણામો જાહેર કરશે. વિપ્રોએ શેરબજારને જણાવ્યું કે કંપનીનું બોર્ડ ઓફ ડિરેક્ટર્સ 16-17 ઓક્ટોબર, 2024ના રોજ યોજાનારી તેની બેઠકમાં બોનસ શેર જાહેર કરવાના પ્રસ્તાવ પર વિચાર કરશે.
13 વખત આપ્યા છે બોનસ શેર : નિફ્ટીમાં સમાવિષ્ટ કંપનીઓમાં વિપ્રોએ તેના શેરધારકોને સૌથી વધુ બોનસ શેર જાહેર કર્યા છે. કંપનીએ તેના શેરધારકોને 13 વખત બોનસ શેર જાહેર કર્યા છે. વિપ્રોએ 1971, 1981, 1985, 1987, 1989, 1992, 1995, 1997, 2004, 2005, 2010, 2017 અને 2019માં શેરધારકોને બોનસ જાહેર કર્યા હતા.
બેંગલુરુ-હેડક્વાર્ટર ધરાવતી કંપનીનો કોન્સોલિડેટેડ ચોખ્ખો નફો જૂન ક્વાર્ટરમાં વાર્ષિક ધોરણે 4.6 ટકા વધીને રૂપિયા 3,003.2 કરોડ થયો છે. આ સમયગાળા દરમિયાન આવક 3.8 ટકા ઘટીને રૂપિયા 21,963.8 કરોડ થઈ હતી.
વિપ્રોએ હજુ સુધી બોનસ ઇશ્યૂ માટે રેકોર્ડ ડેટ નક્કી કરી નથી. જેની જાહેરાત તેની બે દિવસની બોર્ડ મીટિંગના અંતે કરવામાં આવશે. તેના પરિણામો ઉપરાંત વિપ્રો આગામી ક્વાર્ટર માટે આવક વૃદ્ધિ અંગે માર્ગદર્શન પણ આપશે.
બ્રોકરેજ ફર્મ કોટક ઇન્સ્ટિટ્યૂશનલ ઇક્વિટીઝ અપેક્ષા રાખે છે કે કંપની આગામી ક્વાર્ટરમાં આવકમાં 0.5% ઘટીને 1.5% વૃદ્ધિ નોંધાવશે. શુક્રવારે વિપ્રોના શેર 0.7% વધીને ₹528.45 પર બંધ થયા હતા. છેલ્લા એક મહિનામાં સ્ટોક 4% ઘટ્યો છે.