Sambhv Steel Tubes: IPO ની શાનદાર એન્ટ્રી બાદ, શેર 19%ના વધારા સાથે થયા બંધ
લિસ્ટિંગ પછી, શેરમાં થોડો ઘટાડો જોવા મળ્યો અને અંતે તે રૂ. 97.73ના સ્તરે બંધ રહ્યો. છતાં, આ ભાવ હજુ પણ IPO ભાવ કરતા લગભગ 19% વધુ છે. આ IPOને ગ્રે માર્કેટમાં માત્ર 17% GMP મળી રહી હતી, એટલે આ લિસ્ટિંગ પ્રીમિયમ બજારની અપેક્ષાઓથી પણ વધુ રહ્યું છે.
IPO ખુલ્યા પહેલા એક દિવસ પહેલા કંપનીએ રૂ. 82ના ભાવે 1.96 કરોડ શેર એન્કર ઇન્વેસ્ટરોને આપ્યા હતા. તેમાં Citigroup Global, Nomura Singapore, BNP Paribas, Societe Generale, Motilal Oswal MF, Whiteoak Capital MF સહિતના મોટા રોકાણકારોનો સમાવેશ થાય છે.
Chhattisgarh આધારિત Sambhv Steel ટ્યુબ્સ સ્ટેનલેસ સ્ટીલ કૉઇલથી પાઇપ બનાવે છે અને તેની બેકવર્ડ ઇન્ટિગ્રેટેડ વ્યવસ્થા છે. IPOથી મળેલા પૈસામાંથી રૂ. 390 કરોડનો ઉપયોગ કંપનીના દેવું ઘટાડવા માટે કરાશે, બાકી રકમ સામાન્ય ખર્ચ માટે વાપરાશે. એપ્રિલ 2025 સુધીમાં કંપની પર રૂ. 554.6 કરોડનું દેવું હતું.
પ્રમોટરો પાસે કંપનીના 71.93% શેર છે જ્યારે 28.07% હિસ્સો પબ્લિક શેઅરહોલ્ડર્સ પાસે છે. SSTL ની સ્પર્ધામાં APL Apollo Tubes, Surya Roshni, Hariom Pipes, Hi-Tech Pipes, JTL Industries અને Rama Steel Tubes જેવી કંપનીઓ છે.
