Peanut side effects : શેકેલી સિંગ કોણે ન ખાવી જોઈએ? તમે નહીં જાણતા હોવ તેની આડ અસર
મગફળી શિયાળાનો લોકપ્રિય નાસ્તો છે, જે પ્રોટીન, ફાઇબર અને પોષક તત્ત્વોથી ભરપૂર છે. જોકે, દરેક માટે તે ફાયદાકારક નથી. જોકે કેટલીક એવી બીમારીઓ વાળા લોકોએ શેકેલી મગફળીનું સેવન ટાળવું જોઈએ અથવા સાવચેતી રાખવી.
આયુર્વેદ નિષ્ણાત કિરણ ગુપ્તા અનુસાર, જેમને ગેસ, અપચો, કબજિયાત અથવા પેટ ફૂલવાની સમસ્યા હોય, તેમણે શેકેલા મગફળી ટાળવી જોઈએ. મગફળીમાં ફાઇબરનું પ્રમાણ વધારે હોય છે, જે આવા લોકોને વધુ ગેસ અને અસ્વસ્થતા આપી શકે છે. જો મગફળી ખાવાની ઇચ્છા હોય, તો તેને રાત્રે પાણીમાં પલાળી અને મર્યાદિત માત્રામાં ખાવાની સલાહ આપવામાં આવે છે.
જેઓને મગફળીની એલર્જી હોય તેમણે મગફળી કોઈપણ રૂપમાં ન ખાવી જોઈએ. મગફળીની એલર્જી ખંજવાળ, ચામડી પર ચાંબા, શ્વાસ લેવામાં તકલીફ અને ગંભીર સ્થિતિમાં એલર્જિક રિએક્શનનું કારણ બની શકે છે.
પિત્ત દોષ અથવા લીવરની સમસ્યા ધરાવતા લોકોએ પણ શેકેલા મગફળી ટાળવી જોઈએ. મગફળીમાં તેલનું પ્રમાણ વધારે હોય છે, જે લીવર પર વધારાનો ભાર પાડી શકે છે અને સમસ્યાઓ વધારે ગંભીર બનાવી શકે છે.
ડાયાબિટીસના દર્દીઓએ ખાસ કરીને મીઠાવાળી અથવા વધારે શેકેલી મગફળી ખાવાથી બચવું જોઈએ. આવી મગફળી બ્લડ શુગર લેવલને અસર કરી શકે છે. જો મગફળી ખાવાની જરૂર હોય, તો માત્ર ડૉક્ટરની સલાહ મુજબ અને મર્યાદિત માત્રામાં જ સેવન કરવું યોગ્ય છે. (નોંધ : અહીં આપવામાં આવેલી માહિતી ફક્ત આપની જાણકારી માટે છે. કોઈ ઈલાજ માટે નિષ્ણાંતોની સલાહ લેવી જરૂરી છે.)
Published On - 8:25 pm, Fri, 26 December 25
