રાત્રે રસ્તા પર ચમકતી આ પીળી લાઈટોનું કામ શું છે ? જાણો તેની કિંમત અને અદભુત ફાયદા
રાત્રે હાઈવે પર સફર કરતી વખતે તમે રોડ પર પીળી અને લાલ લાઈટો ચaમકતી જોઈ જ હશે. આ નાની અમથી લાઈટ અંધારામાં અને ભારે ધુમ્મસમાં અકસ્માત થતાં અટકાવે છે. તેને શું કહેવાય? તે કેવી રીતે કામ કરે છે અને તેની કિંમત કેટલી હોય છે? જાણો તમામ વિગતો
દુનિયાભરમાં રોડ અકસ્માતો રોકવા માટે અવનવા ટ્રાફિક નિયમો અને ટેક્નોલોજીનો ઉપયોગ થાય છે. રાત્રિના સમયે હાઈવે પર દેખાતી નાની પીળી કે લાલ લાઈટો પણ આ જ સુરક્ષાનો એક ભાગ છે.
રસ્તાની વચ્ચે અથવા કિનારે ઝબૂકતી આ નાની લાઈટોને ટેકનિકલ ભાષામાં 'રોડ સ્ટડ રિફ્લેક્ટર' (Road Stud Reflector) કહેવામાં આવે છે.
આ રિફ્લેક્ટર્સનું મુખ્ય કામ રાત્રિના સમયે કે ધુમ્મસમાં ડ્રાઈવરને રસ્તાની સાચી દિશા, વળાંક અને રોડની સરહદ (કિનારો) સ્પષ્ટપણે બતાવવાનું છે.
જ્યારે તમે રાત્રે હાઈવે પર ડ્રાઈવિંગ કરો છો, ત્યારે રસ્તાની પટ્ટી પર પ્લાસ્ટિક અથવા મેટલના ઉપસેલા ટુકડા જોવા મળે છે, જે અંધારામાં પણ રસ્તાનો નકશો સ્પષ્ટ કરી દે છે.
આ રિફ્લેક્ટર્સ પર જ્યારે વાહનની હેડલાઈટનો પ્રકાશ પડે છે, ત્યારે તે તીવ્રતાથી ચમકી ઉઠે છે. જેનાથી ડ્રાઈવરને આગળ વળાંક છે કે ડિવાઈડર તેની અગાઉથી જ ખબર પડી જાય છે.
શિયાળામાં જ્યારે ભારે ધુમ્મસને કારણે કશું દેખાતું નથી, ત્યારે આ લાઈટો રસ્તાની મર્યાદા (લેન) બતાવીને વાહનોને ખીણમાં કે રોડની નીચે ઉતરી જતાં અને અથડાતાં બચાવે છે.
રસ્તા પર સામાન્ય રીતે બે પ્રકારના રિફ્લેક્ટર લગાવવામાં આવે છે - એક 'પેસિવ રિફ્લેક્ટર' (Passive) અને બીજા 'એક્ટિવ રિફ્લેક્ટર' (Active).
પેસિવ રિફ્લેક્ટરમાં કોઈ બેટરી કે વાયર હોતા નથી. તેમાં ખાસ પ્રકારની રેડિયમ પટ્ટી હોય છે, જે માત્ર વાહનની લાઈટ પડવાથી જ ચમકે છે.
એક્ટિવ રિફ્લેક્ટરમાં સોલાર પેનલ અને એલઇડી (LED) લાઈટ હોય છે. આ લાઈટો અંધારું થતાં જ આપોઆપ ચાલુ થઈ જાય છે અને સવાર પડતાં જ બંધ થઈ જાય છે. તે લાંબે સુધી પ્રકાશ આપે છે.
બજારમાં આ રોડ રિફ્લેક્ટર અલગ-અલગ ક્વોલિટીમાં મળે છે. સામાન્ય રીતે તેની શરૂઆતી કિંમત ₹300 થી શરૂ થઈને ₹1100 સુધીની હોય છે. કિંમત તેની મજબૂતાઈ અને લાઈટની ગુણવત્તા પર આધાર રાખે છે.
