Real vs Fake: તમે રોજ જે ખાઈ રહ્યા છો એ ચોખા અસલી છે કે નક્લી? કેવી રીતે ચેક કરશો?
બજારમાં મળતા અને રોજ તમારા ભોજનમાં આવતા ચોખા અસલી છે કે નક્લી તે કેવી રીતે નક્કી કરવુ. ચોખાની સત્યતા ચકાસવા માટે તમે ઘરે જ કેટલાક ટેસ્ટ કરીને જાણી શકો છે તે અસલી છે કે નહીં
તમે અવારનવાર સાંભળ્યુ હશે કે તમે જે બાસમતી ચોખા ખાઈ રહ્યા છો તેમા પ્લાસ્ટિકના ચોખાની ભેળસેળ આવવા લાગી છે. તો શું તમે ભેળસેળવાળા પ્લાસ્ટિકના ચોખા તો નથી ખાઈ રહ્યા ને! આ અંગેની શંકા કેટલાક ટેસ્ટથી તુરંત જ દૂર થઈ જશે
પાણીનો પ્રયોગ: એક ગ્લાસ પાણીમાં એક ચમચી ચોખા નાખો, જો ચોખા તુરંત તળિયે બેસી જાય છે તો તે અસલી ચોખા છે. નક્લી ચોખા પાણી પર તરવા લાગે છે. તળિયે જમા નથી થતા.
સળગાવવાનો પ્રયોગ: થોડા ચોખાને દિવાસળી કે લાઈટરથી સળગાવી જુઓ, જો તેમાંથી પ્લાસ્ટિક જેવી સળગવાની ગંધ આવે છે તો તે ચોખા નક્લી છે.
ગરમ તેલનો પ્રયોગ: ગરમ તેલમાં થોડા ચોખા નાખો, નક્લી ચોખા પીગળીને તેલની સપાટી પર ચોંટી જશે અથવા ભેગા થઈ જશે.
રંગ અને આકાર: નક્લી ચોખા વધારે પડતા ચમકીલા દેખાય છે અને એકસરખા આકારના હોય છે. જ્યારે અસલી ચોખામાં થોડો ધાનનો ભૂકો જોવા મળે છે. તેની ચમક થોડી ઝાંખી લાગે છે અને તેનો દરેકે દરેક દાણો એકસરખો નથી હોતો, કોઈક તૂટેલો હોય પણ હોય છે.
પકાવતી વખતે ફેરફાર: અસલી ચોખા સરળતાથી ચડી જાય છે. નક્લી ચોખાને વધુ સમય રાંધવા છતા તે બરાબર ચડતા નથી અને તેનો દાણો અસલી ચોખા જેવો ફુલતો પણ નથી.
Published On - 7:15 pm, Tue, 14 July 26
