Rashimka and Vijay Wedding: રશ્મિકા અને વિજયના લગ્નની તારીખ આવી સામે, આ જગ્યા પર કપલ લેશે સાત ફેરા
મીડિયાના એક એહવાલ મુજબ કલાકારોના નજીકના સ્ત્રોતે કહ્યું છે કે રશ્મિકા અને વિજયના લગ્નની તારીખ અને સ્થળ પુષ્ટિ થઈ ગઈ છે. રશ્મિકા કે વિજય બંનેમાંથી કોઈએ હજુ સુધી તેમના સંબંધો જાહેર કર્યા નથી.
મીડિયા રિપોર્ટ્સ અનુસાર, તેમની ટીમે પુષ્ટિ આપી છે કે તેઓ ફેબ્રુઆરીમાં લગ્ન કરશે. આ કપલની નજીકના એક સૂત્રએ હવે પુષ્ટિ આપી છે કે રશ્મિકા અને વિજય 26 ફેબ્રુઆરીએ ઉદયપુરના એક મહેલમાં લગ્ન કરશે. તેમણે લગ્ન માટે એક વારસાગત મિલકત નક્કી કરી છે. તેમની સગાઈની જેમ, આ કપલ લગ્નને શક્ય તેટલું ખાનગી રાખવાનું આયોજન કરી રહ્યું છે, જેમાં ફક્ત તેમના નજીકના મિત્રો જ હાજર રહેશે.
જોકે, હૈદરાબાદ પરત ફર્યા પછી આ કપલ તેમના ફિલ્મ ઉદ્યોગના મિત્રો માટે પાર્ટીનું આયોજન કરશે કે નહીં તે હજુ સુધી જાણી શકાયું નથી. મીડિયા રિપોર્ટ્સ અનુસાર, રશ્મિકા અને વિજયની હૈદરાબાદમાં 3 ઓક્ટોબર, 2025ના રોજ સગાઈ થઈ હતી. જોકે વિજય કે રશ્મિકાએ જાહેરાત કરી ન હતી, પરંતુ સમાચાર લીક થયા પછી વિજયની ટીમે મીડિયાને આ સમાચારની પુષ્ટિ કરી હતી. તેમણે એ પણ જાહેરાત કરી હતી કે આ કપલ ફેબ્રુઆરીમાં લગ્ન કરશે.
જાણકારી માટે, રશ્મિકા અને વિજયે 2018 ની હિટ ફિલ્મ "ગીથા ગોવિંદમ" અને 2019 ની ફિલ્મ "ડિયર કોમરેડ" માં સાથે કામ કર્યું હતું. તેઓએ ન્યૂયોર્કમાં 43મી ઇન્ડિયા ડે પરેડનું નેતૃત્વ કર્યું હતું અને આ વર્ષે "ઇન્ડિયા બિયોન્ડ બોર્ડર્સ" નામના કાર્યક્રમમાં પણ સાથે ભાગ લીધો હતો. તેમની સગાઈના સમાચાર પછી, બંને સ્ટાર્સ સગાઈની વીંટી પહેરેલા જોવા મળ્યા હતા.
