Plant In Pot : બારમાસીનો છોડ આ સરળ રીતે ઘરે ઉગાડો, બારેમાસ બજારમાંથી નહીં ખરીદવા પડે ફુલ, જુઓ તસવીરો
લોકો પોતાના ઘરના બગીચામાં વિવિધ પ્રકારના ફૂલો લગાવે છે. આ ફૂલો ઘરની સુંદરતા વધારવામાં ખૂબ જ મહત્વપૂર્ણ ભૂમિકા ભજવે છે. તમે ઘરે બારમાસીના છોડને ઉગાડી શકો છો. તો આજે આપણે જોઈશું કે ઘરે સરળતાથી આ ફૂલનો છોડ કેવી રીતે ઉગાડી શકાય છે.
બારમાસીના છોડને આપણે ઘરે સરળતાથી ઉગાડી શકીએ છીએ. આ છોડ ઘરે ઉગાડવા માટે સૌથી પહેલા એક છિદ્રવાળુ કૂંડુ લો. તેમાં સારી ગુણવત્તાની માટી ભરી લો.
છાણિયું ખાતર અને કોકોપીટ ઉમેરી માટી તૈયાર કરી લો. હવે આ તૈયાર કરેલી માટીને કૂંડામાં ભરી લો. બારમાસીના છોડને બીજ દ્વારા અથવા તો નર્સરીમાંથી છોડ ખરીદીને ઉગાડી શકો છો.
કૂંડામાં 3-4 ઈંચની ઉંડાઈએ બીજ મુકી તેના પર માટી ઢાંકી દો. ત્યાર બાદ તેમાં પાણી નાખો. ધ્યાન રાખો કે છોડમાં વધારે પાણી ન આપો.
છોડમાં વધારે પાણી આપશો તો તેના મૂળ સુકાવવાની શક્યતામાં વધારો થઈ શકે છે. તેમજ આ છોડના કૂંડાને પૂરતા પ્રમાણમાં સૂર્યપ્રકાશ મળે તેવી જગ્યાએ રાખો. ( All Image - Getty Image )
છોડમાં રોગ ન થાય તે માટે તેમાં જંતુનાશક દવાનો છંટકાવ કરો અથવા લીમડાના તેલનો પણ છંટકાવ કરી શકો છે. (આ માહિતી માત્ર જાણકારી માટે આપવામાં આવે છે.આ અંગે કૃષિ નિષ્ણાતોની સલાહ લેવી )