Plant In Pot : ગાર્લીક બ્રેડ ખાવાના શોખીન છો ? ઘરના કૂંડામાં જ લસણ ઉગાડીને બનાવો, જુઓ તસવીરો
ભારતીય વાનગીઓને સ્વાદિષ્ટ બનાવવા માટે અનેક મરી મસાલાનો ઉપયોગ કરવામાં આવે છે. તેમાં લસણનો પણ સમાવેશ થાય છે. લસણનો ઉપયોગ કરવાથી ભોજન સ્વાદિષ્ટ જ નહીં હેલ્ધી પણ બને છે. લસણનું સેવન કરવાથી એક નહીં અનેક ફાયદાઓ થાય છે. તો આજે લસણને ઘરે કેવી ઉગાડવું તે જોઈશું.
લસણનો ઉપયોગ લગભગ દરેક ભારતીય વાનગીમાં થાય છે. તેમાં અનેક ઔષધીય ગુણો પણ છે. સામાન્ય રીતે લોકો બજારમાંથી લસણ ખરીદે છે, પરંતુ આજે અમે તમને કેટલીક એવી રીતો જણાવીશું જેની મદદથી તમે ઘરે લસણ ઉગાડી શકશો.
લસણને ઘરે ઉગાડવા માટે સૌથી પહેલા સારી ગુણવત્તાની માટી લો. ત્યારબાદ તેમાં છાણિયુ ખાતર મિક્સ કરો. છોડના વિકાસ માટે છાણિયા ખાતરને ઉત્તમ ગણવામાં આવે છે.
લસણનો છોડ ઉગાડવા માટે 6 થી 7 ઇંચ ઊંડુ કૂંડુ લો. ધ્યાનમાં રાખો કે તેમાં ડ્રેનેજ માટે છિદ્રો હોવા આવશ્યક છે. હવે લસણની કળીઓ કાઢો અને તેને 2 ઇંચની ઊંડાઈએ રોપો. ધ્યાન રાખો કે લસણનો પોઇન્ટેડ ભાગ ઉપર રહે.
કૂંડામાં લસણ વાવ્યા પછી તેના પર પાણી છાંટવું. આ સાથે જ ધ્યાન રાખવુ કે લસણના છોડને દિવસમાં એકવાર પાણી નાખવુ જોઈએ. તેમજ દરરોજ ઓછામાં ઓછા 6 કલાક સૂર્યપ્રકાશ મેળવવો ખૂબ જ મહત્વપૂર્ણ છે. ( Pic - Pinterest )
લસણના છોડમાં 15 થી 20 દિવસના અંતરે ગાયના છાણનું ખાતર નાખો. લસણ લગભગ 2 થી 3 મહિનામાં છોડમાં ઉગે છે. તે પછી તમે લસણને જમીનમાંથી ઉખાડીને તેનો ઉપયોગ કરી શકો છો.