Plant In Pot : ઘરે કૂંડામાં જ ઉગાડો ગુણકારી ગાજરનો છોડ, બજારમાંથી ખરીદવા નહીં પડે, જુઓ તસવીરો
ગાજર ખાવામાં ખૂબ જ સ્વાદિષ્ટ હોય છે અને તે પોષક તત્વોથી પણ ભરપૂર હોય છે. તેથી તેનું સેવન સ્વાસ્થ્ય અને ત્વચા બંને માટે ખૂબ જ ફાયદાકારક માનવામાં આવે છે. તો આજે એવા ગુણકારી ગાજરને ઘરે કૂંડામાં કેવી રીતે ઉગાડવુ તે જોઈશુ.
વર્તમાન સમયમાં મોટાભાગના લોકોને કિચન ગાર્ડનમાં વિવિધ શાકભાજી ઉગાડવાનો શોખ ધરાવે છે. ત્યારે આજે આપણે ગાજરના છોડને ઘરે કૂંડામાં કેવી રીતે ઉગાડી શકાય તે જાણીશું.
ગાજરનો છોડ ઉગાડવા માટે સૌ પ્રથમ સારી ગુણવત્તાવાળા બીજ નર્સરીમાંથી લાવી શકો છો. આ પછી કૂંડામાં માટી નાખો અને તેમાં છાણિયુ ખાતર મિક્સ કરો.
હવે ગાજરના બીજને કૂંડામાં 1/4 ઈંચની ઊંડાઈએ વાવો. ધ્યાનમાં રાખો કે ગાજરના બીજ એકબીજાથી ઓછામાં ઓછા 15 સે.મી.ના અંતરે હોય.
આ પછી બીજ મુકી તેના પર માટી નાખો અને પાણી પીવડો. બીજ અંકુરિત ન થાય ત્યાં સુધી સમયાંતરે છોડને જરૂર મુજબ પાણી આપતા રહો. જેના કારણે તેમાં ભેજ રહેશે.
ગાજરના છોડ 15-30 ડિગ્રી સેલ્સિયસ તાપમાનમાં સારી રીતે વિકસે છે, તેથી તે ઠંડા હવામાનમાં સરળતાથી વધે છે.ગાજરના બીજને અંકુરિત થવામાં લગભગ 7-21 દિવસ લાગે છે. જેથી ગાજરના બીજ રોપ્યા પછી, લગભગ 2-3 મહિનામાં તૈયાર થઈ જાય છે. ( Pic - Gardener's Path )