Dog breeds : ભારતીય કે વિદેશી, ઘરે પાળવા માટે કઈ બ્રીડના શ્વાન લાવવા જોઈએ ? આ વાત તમે નહીં જાણતા હોવ
ઘરે શ્વાન લાવતા પહેલાં, તેની જાતિ પસંદ કરતી વખતે ભારતીય અને વિદેશી શ્વાન વચ્ચેની મૂંઝવણ સામાન્ય છે. પરંતુ આટલી વાત તમારે ચોક્કસ પણે ધ્યાન રાખવી જોઈએ.
ઉદાહરણ તરીકે, જો તમે દિલ્હી NCR અથવા અમૃતસર/લુધિયાણા જેવા ગરમ વિસ્તારોમાં નાનાં 1 કે 2 BHK ફ્લેટમાં રહો છો અને હસ્કી જેવી ઠંડા પ્રદેશો માટે સુસંગત જાતિનો શ્વાન ઘરે લાવો છો, તો તે શ્વાન માટે આરામદાયક નહીં પરંતુ પીડાદાયક સાબિત થાય છે. હસ્કી શિયાળાવાળા પ્રદેશોમાં રહેવા વિકસેલી જાતિ છે અને ગરમ હવામાનમાં તેઓ ગંભીર તકલીફ અનુભવે છે. માત્ર લોકપ્રિયતા કે દેખાવને આધાર બનાવી આવા શ્વાનો અપનાવવું યોગ્ય નથી.
શ્વાન અપનાવતાં પહેલાં, ઘરની જગ્યા, હવામાન, ઊર્જા સ્તર, દૈનિક કાળજી, આરોગ્યની જરૂરિયાત આ બધું ધ્યાનમાં લેવું ખૂબ જરૂરી છે. ભારતમાં ઘણા લોકો વિદેશી અને મોંઘી જાતિઓ તરફ આકર્ષાય છે, કારણ કે તેઓ ભારતીય જાતિઓ વિશે અજાણ હોય છે. જેથી યોગ્ય વિકલ્પ હોવા છતાં લોકો ઘણીવાર ખોટો નિર્ણય લઈ બેસે છે.
ભારતમાં અનેક ઉત્તમ અને શક્તિશાળી શ્વાન જાતિઓ છે જે ભારતીય હવામાન અને જીવનશૈલી સાથે સંપૂર્ણ રીતે સુસંગત છે. તેથી જો તમે શ્વાન અપનાવવાનું વિચારી રહ્યા છો, તો રાજાપલયમ, કન્ની, જોનાંગી, કોમ્બાઈ, ચિપીપરાઈ અને ગડ્ડી જેવી જાતિઓ ચોક્કસપણે વિચારવા જેવી છે. આ જાતિઓ વફાદાર છે, સ્વસ્થ રહે છે અને ભારતીય પરિસ્થિતિમાં ખૂબ આરામથી જીવન જીવે છે.
શ્વાન ભલે ભારતીય હોય કે વિદેશી, લોકો મોટાભાગે પોતાના આનંદ અને શોખ માટે તેને ઘરે લાવે છે. પરંતુ થોડા સમય પછી કંટાળો આવી જાય અથવા યોગ્ય સંભાળ ન રાખી શકાય તો શ્વાનને ઘરની બહાર કરી દેવામાં આવે છે, જે તેની માટે અત્યંત પીડાદાયક પરિસ્થિતિ છે. શ્વાન અપનાવવાનો નિર્ણય જવાબદારી અને સંવેદનાથી લેવો જોઈએ.
