પરશોત્તમ રુપાલા પાસે નથી પોતાની કાર તેમ છત્તા કરોડોની સંપત્તિના માલિક, જાણો કેટલી છે નેટવર્થ?
પરશોત્તમ રુપાલાએ રાજકોટ લોકસભા બેઠક પરથી આજે ઉમેદવારી નોંધાવી છે. ઉમેદવારી નોંધાવતા ચૂંટણી અધિકારી સમક્ષ એફિડેવિટ રજૂ કરી છે. તેમાં તેમની સંપત્તિથી લઈને તમામ વિગતો સામે આવી છે. તમને જણાવી દઈએ કે સામે આવેલા એફિડેવિટ મુજબ પરશોત્તમ રુપાલા કેટલી સંપત્તિના માલિક છે જાણો અહીં
પરશોત્તમ રુપાલા અને તેમની પત્નીના નામે 5 વીમાં પોલીસી છે વીમા કંપનીમાં કરેલ મૂડી રોકાણ બન્નેનું થઈને 45 લાખથી વધુ છે જેનું પ્રતિ વર્ષનું પ્રમિયમ 15 હજારથી લઈને 58 હજાર સુધીનું છે. આ સાથે રુપાલાના આવકવેરા ખાતાની મૂળ કર કપાત 2 લાખથી વધુ છે જ્યારે તેમની પત્નીની 3લાખ 70 હજારથી વધુની થાપણો છે.
પુરશોત્તમ રુપાલા 13 લાખથી વધુના સોના તેમજ ચાંદીના ઘરેણા વાસણો ધરાવે છે. જ્યારે તેમની પત્ની 90 લાખથી વધુના ઘરેણા અને વાસણો ધરાવે છે. આ સાથે પરશોત્તમ રુપાલા હથિયારનો પરવાનો પણ ધરાવે છે.જેમની પાસે એક વિદેશી બનાવટની બંદૂર છે જેની કિમંત 87,500 રુપિયા છે.
પરશોત્તમ રુપાલા અને તેમની પત્નીના નામે અમરેલીમાં ખેતી લાયક જમીન છે. જેમાં બન્નેના નામ 3-3 એકર જમીન છે જેની હાલની કિંમત 56 લાખથી વધુની છે.
જો કે કરોડો રૂપિયાની મિલકત ધરાવનારા પરશોત્તમ રૂપાલા કે તેમની પત્ની પાસે એક પણ કાર ન હોવાનું સોગંદનામામાં દર્શાવ્યું છે.
Published On - 4:51 pm, Tue, 16 April 24
