હવે તૂટશે તમામ રેકોર્ડ … NSE નું મૂલ્ય ₹600000 કરોડની નજીક, લાવી શકે છે દેશનો સૌથી મોટો IPO
NSEનું માર્કેટ કેપ હવે 6 લાખ કરોડ રૂપિયાની નજીક પહોંચી ગયું છે અને જો તે IPO દ્વારા 10 ટકા હિસ્સો પણ વેચે છે, તો NSEનો IPO દેશનો સૌથી મોટો IPO સાબિત થશે.
પ્રોફિટમાર્ટ સિક્યોરિટીઝ રિસર્ચ હેડ અવિનાશ ગોરક્ષકર માને છે કે NSEનો IPO ભારતીય શેરબજારનો અત્યાર સુધીનો સૌથી મોટો IPO હશે. તેમણે કહ્યું કે NSE ખૂબ જ સારું પ્રદર્શન કરે તેવી અપેક્ષા છે કારણ કે ભારતમાં મૂડી બજારોની પહોંચ હજુ પણ મર્યાદિત છે અને આગામી 5 વર્ષમાં મજબૂત વૃદ્ધિ માટે ઘણી તકો છે. અલ્માન્ડ્ઝ ગ્લોબલના સિનિયર ઇક્વિટી રિસર્ચ એનાલિસ્ટ સિમરનજીત સિંહ ભાટિયાએ જણાવ્યું હતું કે ભારત વિશ્વનું પાંચમું સૌથી મોટું અર્થતંત્ર અને વિશ્વનું ચોથું સૌથી મોટું મૂડી બજાર બની રહ્યું છે, NSE દૈનિક ઓર્ડર વોલ્યુમ અને વેપારની દ્રષ્ટિએ વૈશ્વિક સ્તરે સૌથી મોટું એક્સચેન્જ બની ગયું છે.
નેશનલ સ્ટોક એક્સચેન્જ (NSE) એ સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI) પાસેથી નો ઓબ્જેક્શન સર્ટિફિકેટ મેળવીને જાહેરમાં રજૂ કરવાની તેની યોજના સાથે આગળ વધ્યું છે. ડિસેમ્બર 2016 માં તેનું IPO પ્રોસ્પેક્ટસ ફાઇલ કરનાર આ એક્સચેન્જના શેર હાલમાં અનલિસ્ટેડ માર્કેટમાં સક્રિય રીતે ટ્રેડ થઈ રહ્યા છે. NSE ટ્રેડની સંખ્યા દ્વારા વિશ્વનું બીજું સૌથી મોટું સ્ટોક એક્સચેન્જ છે, જેનો બજાર હિસ્સો 2024 માં 17.5% હતો. તે 81.7% કોન્ટ્રાક્ટ ટ્રેડ સાથે વૈશ્વિક ડેરિવેટિવ્ઝ એક્સચેન્જ યાદીમાં પણ ટોચ પર છે.
બિઝનેસ ટુડેના અહેવાલ મુજબ, સેબીની મંજૂરી પછી, NSE IPO બજારમાં આવવામાં 6 મહિના લાગી શકે છે. 31 માર્ચ, 2025 સુધીમાં, NSE નો ઇક્વિટી કેશ સેગમેન્ટમાં 93.6% બજાર હિસ્સો અને ઇક્વિટી ફ્યુચર્સમાં 99.9% હિસ્સો હતો. NSE ની આવક વાર્ષિક ધોરણે 16% વધીને રૂ. 17,141 કરોડ અને ચોખ્ખો નફો 47% વધીને રૂ. 12,188 કરોડ થયો.
નોંધ: અહીં આપેલી માહિતી માત્ર જાણકારીના હેતુથી આપવામાં આવી છે, અત્રે એ ઉલ્લેખ કરવો જરૂરી છે કે બજારમાં રોકાણ બજારના જોખમોને આધીન છે. આથી રોકાણકાર કરતા પહેલા હંમેશા નિષ્ણાતની સલાહ લો.Tv9 ગુજરાતી ક્યારેય કોઈને રોકાણ સંબંધીત સલાહ આપતું નથી.
