Nitish Kumar Reddy Century : ઓસ્ટ્રેલિયાની ધરતી પર નીતિશ કુમાર રેડ્ડીએ રચ્યો ઈતિહાસ, સદી ફટકારી બનાવ્યો રેકોર્ડ
ઓસ્ટ્રેલિયા સામેની મેલબોર્ન ટેસ્ટમાં નીતીશ રેડ્ડીએ ઐતિહાસિક સદી ફટકારી. ટીમ ઈન્ડિયા મુશ્કેલીમાં હતી ત્યારે તેણે ટીમને બચાવી. આ તેની આંતરરાષ્ટ્રીય કારકિર્દીની પ્રથમ સદી છે અને ઓસ્ટ્રેલિયામાં 8મા કે નીચેના ક્રમમાં સદી ફટકારનાર પ્રથમ ભારતીય બેટ્સમેન બન્યો. તે બોર્ડર-ગાવસ્કર ટ્રોફીમાં સદી ફટકારનાર સૌથી યુવા ભારતીય પણ બન્યો છે.
નીતીશ રેડ્ડીએ ઓસ્ટ્રેલિયાના બોલિંગ આક્રમણનો જોરદાર સામનો કર્યો અને યાદગાર સદી ફટકારી. તેણે 100 રન સુધી પહોંચવા માટે 171 બોલ લીધા હતા.
નીતીશ કુમાર રેડ્ડીએ પણ આ સદીની ઇનિંગ્સ સાથે ઓસ્ટ્રેલિયાની ધરતી પર ઈતિહાસ રચ્યો છે. તે ઓસ્ટ્રેલિયામાં 8 કે તેનાથી નીચેના નંબર પર રમતી વખતે સદી ફટકારનાર પ્રથમ ભારતીય બેટ્સમેન બની ગયો છે. આ સાથે જ તે ઓસ્ટ્રેલિયા સામે 8મા નંબરે રમતી સદી ફટકારનાર બીજો ભારતીય છે.આ પહેલા રિદ્ધિમાન સાહાએ પણ આ કારનામું કર્યું હતું. જોકે તેણે આ સદી ભારતમાં ઓસ્ટ્રેલિયા સામે ફટકારી હતી.
આ સાથે નીતિશ કુમાર રેડ્ડી બોર્ડર-ગાવસ્કર ટ્રોફીમાં સદી ફટકારનાર સૌથી યુવા ભારતીય પણ બની ગયો છે.
નીતિશ બંને ટીમોની સંયુક્ત રીતે બીજો સૌથી યુવા ખેલાડી છે. નીતિશે 21 વર્ષ અને 216 દિવસની ઉંમરમાં આ સિદ્ધિ મેળવી છે. જ્યારે આ પહેલા કાર્લ હૂપરે 21 દિવસ 011 દિવસની ઉંમરે બોર્ડર-ગાવસ્કર ટ્રોફીમાં સદી ફટકારી હતી.
