Paytm ફાસ્ટેગ યુઝર્સ માટે મહત્વના સમાચાર, NHAIએ તેને અધિકૃત બેંકોની યાદીમાંથી હટાવ્યું
બે કરોડથી વધુ Paytm ફાસ્ટેગ યુઝર્સ માટે એક મહત્વના સમાચાર છે. રોડ ટોલિંગ ઓથોરિટીએ હાઈવે પર મુસાફરી કરતા લોકોને પેટીએમ પેમેન્ટ્સ બેંક સિવાય 32 બેંકોને સૂચિબદ્ધ કરીને અધિકૃત બેંકો પાસેથી ફાસ્ટેગ ખરીદવાની સલાહ આપી છે. ભારતીય રિઝર્વ બેંક આવતા મહિનાથી પેટીએમ પેમેન્ટ બેંકને સેવાઓ બંધ કરી દેશે.
બે કરોડથી વધુ Paytm ફાસ્ટેગ યુઝર્સ માટે એક મહત્વના સમાચાર છે. રોડ ટોલિંગ ઓથોરિટીએ હાઈવે પર મુસાફરી કરતા લોકોને પેટીએમ પેમેન્ટ્સ બેંક સિવાય 32 બેંકોને સૂચિબદ્ધ કરીને અધિકૃત બેંકો પાસેથી ફાસ્ટેગ ખરીદવાની સલાહ આપી છે.
ભારતીય રિઝર્વ બેંક આવતા મહિનાથી પેટીએમ પેમેન્ટ બેંકને સેવાઓ બંધ કરી દેશે. ત્યારે Paytm ફાસ્ટેગ 29 ફેબ્રુઆરી પછી નિષ્ક્રિય થઈ જશે. NHAIની ઈલેક્ટ્રોનિક ટોલિંગ શાખા IHMCLએ તેના સત્તાવાર હેન્ડલ પર અધિકૃત બેંકોની યાદી શેર કરી છે.
IHMCLએ તેની વેબસાઈટ પર એક પોસ્ટમાં જણાવ્યું હતું કે, મુશ્કેલીમુક્ત મુસાફરી માટે 32 અધિકૃત બેંકોમાંથી કોઈપણમાંથી તમારો FASTag ખરીદો.
આ 32 અધિકૃત બેંકોમાં યુનિયન બેંક ઓફ ઈન્ડિયા, ત્રિસુર ડિસ્ટ્રિક્ટ કોઓપરેટિવ બેંક, સાઉથ ઈન્ડિયન બેંક, સારસ્વત બેંક, નાગપુર કોઓપરેટિવ બેંક, કોટક મહિન્દ્રા બેંક, કરુર વૈશ્ય બેંક, J&K બેંક, ઈન્ડસઈન્ડ બેંક, ઈન્ડિયન બેંક, IDFC ફર્સ્ટ બેંક, ફિનો બેંકનો સમાવેશ થાય છે.
આ ઉપરાંત ઇક્વિટેબલ સ્મોલ ફાઇનાન્સ બેન્ક, કોસ્મોસ બેન્ક, સિટી યુનિયન બેન્ક લિમિટેડ, સેન્ટ્રલ બેન્ક ઓફ ઇન્ડિયા, કેનેરા બેન્ક, બેન્ક ઓફ મહારાષ્ટ્ર, એયુ સ્મોલ ફાઇનાન્સ બેન્ક, એરટેલ પેમેન્ટ્સ બેન્ક, અલ્હાબાદ બેન્ક, બેન્ક ઓફ બરોડા, HDFC બેન્ક, ICICI બેન્ક, IDBI બેંક, પંજાબ નેશનલ બેંક, સ્ટેટ બેંક ઓફ ઈન્ડિયા અને યસ બેંકમાંથી ફાસ્ટેગ ખરીદી શકો છો.