Technology : વોટ્સએપે લોન્ચ કર્યું જોરદાર ‘ટૂલ’, લાખો એકાઉન્ટ્સ બેન અને સ્કેમર્સની બોલતી બંધ
હાલમાં વધી રહેલ ઓનલાઇન ફ્રોડને અટકાવવા માટે વોટ્સએપે એક ગજબ ટૂલ લોન્ચ કર્યું છે. આ ટૂલ થકી લાખો એકાઉન્ટ્સ 'બેન' કરવામાં આવ્યા અને સ્કેમર્સ પર કડક કાર્યવાહી કરવામાં આવી.
આ સાથે વોટ્સએપે કહ્યું છે કે, Unknown Contacts સાથે ચેટ સેફટીને લઈને પણ કેટલાક પગલાં લેવામાં આવ્યા છે. ઉદાહરણ તરીકે, અજાણ્યા વ્યક્તિ સાથે નવી ચેટ શરૂ કરતી વખતે યુઝર્સને હવે 'Extra Context' બતાવવામાં આવશે. આનાથી યુઝર્સ વધુ સારા નિર્ણયો લઈ શકશે.
WhatsApp એ જણાવ્યું કે, Meta અને OpenAI ની સહાયથી આવા લાખો WhatsApp એકાઉન્ટની ઓળખ કરવામાં આવી, જેમનો સંબંધ મ્યાંમાર, કંબોડિયા અને થાઇલેન્ડ જેવા દેશોમાં ચાલતા ક્રિમિનલ સ્કેમ સેન્ટર્સ સાથે હતો.
આવા સેન્ટર્સમાં સામાન્ય રીતે ભારતીય, પાકિસ્તાની અને બાંગ્લાદેશી લોકોને સારી નોકરી આપવાની લાલચથી બોલાવી લેવામાં આવે છે. ત્યારબાદ તેમની પાસેથી બળજબરીથી સ્કેમ કરાવવામાં આવે છે. WhatsApp અને Metaની 'Security Teams' એ OpenAI ની મદદથી આ વર્ષની શરૂઆતના 6 મહિનામાં 68 લાખ સ્કેમ એકાઉન્ટ ઓળખી કાઢ્યા અને બેન કરી દીધા.
આ પહેલ એક તરફ યુઝર્સને એલર્ટ કરે છે, જ્યારે બીજી તરફ સ્કેમના ઉદ્દેશ્યથી બનાવવામાં આવેલા WhatsApp એકાઉન્ટને શરૂ થતાં પહેલાં જ બેન કરી દે છે. કંપનીએ જણાવ્યું છે, "AI આધારિત Investigative Insights દ્વારા અમુક એકાઉન્ટને શરૂ થતાં પહેલા જ બેન કરી દેવામાં આવ્યા. આ પહેલ Security System ને વધુ મજબૂત બનાવે છે."
આ પહેલ અંતર્ગત WhatsApp, Meta અને OpenAI એ મળીને કમ્બોડિયામાં આવેલ એક Criminal Scam Network ને ધ્વસ્ત કરી નાખ્યું. આ નેટવર્ક અનેક રીતે લોકોને ઠગવાનો પ્રયાસ કરતું હતું.
WhatsApp મારફતે થતા આ સ્કેમ્સમાં ફેક સોશિયલ મીડિયા લાઇક્સના બદલામાં પેમેન્ટનું લાલચ, સ્કૂટર રેન્ટલના નામે પિરામિડ સ્કીમ અને ક્રિપ્ટોકરન્સીમાં રોકાણની છેતરપિંડીનો સમાવેશ થાય છે.
સ્કેમર્સ પહેલા ChatGPT દ્વારા તૈયાર કરાયેલા મેસેજ WhatsApp પર લિંક થકી મોકલે છે અને પછી યુઝર્સને Telegram પર લઇ જાય છે. ત્યાં તેમને TikTok વિડિયો લાઇક કરવાનો Task આપવામાં આવે છે અને પૈસા કમાવવાની લાલચ આપે છે. ત્યારબાદ આગળના Task પુરા કરવા માટે યુઝર્સ પાસેથી Crypto Account માં પૈસા જમા કરવા માટે કહેવામાં આવે છે.
Meta અને WhatsApp કહે છે કે, તેઓ આવા Criminal Networks ની ઓળખ કરવા અને તેમનો ખાતમો કરવા માટે Artificial Intelligence તેમજ Advanced Security Measures નો ઉપયોગ સતત કરતા રહેશે.
નવી Safety Overview સુવિધાની સાથે કંપનીને આશા છે કે, યુઝર્સને સ્કેમ્સથી બચાવવાનું હવે વધુ સરળ બનશે. આ પગલું લાખો એવા યુઝર્સ માટે મહત્વપૂર્ણ છે, જે WhatsApp પર એક્ટિવ રહે છે. આ ફીચર લોકોની Online Security ને એક નવા સ્તર પર લઇ જશે અને Digital Fraud વિરુદ્ધ એક અસરકારક હથિયાર સાબિત થશે.
